ფედერალურმა მოსამართლემ დონალდ ტრამპს CNN-ის, MS NOW-სა და Politico-სთვის თეთრ სახლში დაშვების აღდგენა დაავალა
ფედერალურმა მოსამართლემ დონალდ ტრამპს CNN-ის, MS NOW-სა და Politico-სთვის თეთრ სახლში დაშვების აღდგენა დაავალა, - ინფორმაციას Reuters-ი ავრცელებს.
- კოლუმბიის ოლქის ფედერალურმა მოსამართლემ, ტიმ კელიმ აშშ-ის პრეზიდენტის დონალდ ტრამპის მიერ CNN-ის, MS NOW-ისა და Politico-ს ჟურნალისტებისთვის დაწესებული აკრძალვა დაბლოკა.
მოსამართლემ მედიასაშუალებების სარჩელი დააკმაყოფილა და ტრამპის ადმინისტრაციას ჟურნალისტებისთვის პრესის ბარათების დაბრუნება უბრძანა.
ფედერალურმა მოსამართლემ ტრამპის ადმინისტრაციას მედიასაშუალებებისთვის თეთრ სახლში შესვლაზე დაწესებული შეზღუდვის აღსრულება 14 დღით აუკრძალა.
ასევე, მოსამართლემ დონალდ ტრამპის ადმინისტრაციის არგუმენტი უარყო იმის შესახებ, რომ აკრძალვა ეროვნული უსაფრთხოების ინტერესებით იყო განპირობებული.
შეგახსენებთ, დონალდ ტრამპმა CNN-ს, MS NOW-სა და Politico-ს, „ყალბი ამბების გავრცელების“ გამო, თეთრ სახლში შესვლა აუკრძალა. სამივე მედიასაშუალებამ დონალდ ტრამპის ადმინისტრაციას სასამართლოში უჩივლეს და განაცხადეს, რომ პრეზიდენტის ქმედებები კონსტიტუციის პირველი შესწორებით გათვალისწინებული მათი უფლებების დარღვევას წარმოადგენს.