"ორსულად რომ ვიყავი ექიმმა მითხრა: არ შეიძლება ამ ბავშვის გაჩენა, სახის ანომალიით დაიბადებაო - რომ დაიბადა, ექიმმა ბავშვის კლინიკაში დატოვება შემომთავაზა" - რას ჰყვება 6 წლის თომას დედა? (ვიდეო)

დღეს 6 წლის თომას გაგაცნობთ, რომელიც სახის მძიმე დეფორმაციით დაიბადა. დედა 4 თვის ორსული იყო, როცა მის მუცლადმყოდ შვილს ექიმებმა მძიმე დიაგნოზი დაუსვეს და ბავშვის გაჩენა არ ურჩიეს. თუმცა დედამ შვილის გაჩენის გადაწყვეტილება მიიღო.

• ბიჭუნა 8 თვიანი დაიბადა. თომას კლინიკაში რამდენიმე თვის გატარება მოუწია. ოჯახმა ბრძოლა პირველი დღეებიდანვე დაიწყო და ერთი წლის ასაკში პირველი ოპერაციაც ჩატარდა. ბავშვს სულ 5 აღდგენით-რეკონსტრუქციული ოპერაცია აქვს ჩატარებული. აღდგენილია კანის, კუნთების და რბილი ქსოვილების მთლიანობა. თომას კიდევ ორი ოპერაცია სჭირდება.

თომას ოცნებაა ექიმი გამოვიდეს და როგორც საკუთარ თავს, ისე სხვებსაც დაეხმაროს.

ნათია როჭიკაშვილი, თომას დედა:

"ორსულად რომ ვიყავი, ექიმმა მითხრა: სახის ანომალიით დაიბადებაო. ამის გაჩენა არ შეიძებაო. მივიღე გადაწყვეტილება, რომ ბავშვი აუცილებლად გამეჩინა, რადგან დედობის შესაძლებლობა მეძლეოდა. ექიმმა ორსულობა 8 თვემდე მიიყვანა. თომა ღუდუშაურის კლინიკაში დაიბადა, სახის ანომალიით.

ზოგიერთმა ექიმმა ბავშვის კლინიკაში დატოვება შემომთავაზა. დედობის მეტი შანსი არ მქონდა და რომც მქონოდა ჩემს შვილს არასდროს მივატოვებდი. 3 თვის შემდეგ თომა სახლში წამოვიყვანეთ. ერთი წლის ასაკში გავუკეთეთ პირველი ოპერაცია.

თომას ორი ოპერაცია კიდევ სჭირდება. ძალიან ჭკვიანი ბიჭია. ბევრი მიზანი აქვს. წელს პირველ კლასში შევიყვანეთ, ძალიან ბედნიერი და კმაყოფილია."

ვისაც გაქვთ თომას დახმარების სურვილი, თანხის ჩარიცხვა შესაძლებელია მითითებული ანგარიშის ნომერზე:

GE20TB7817945064300010 - მიმღები: ნათია როჭიკაშვილი (თომას დედა)