უკრაინასთან მატჩამდე რამაზ სვანაძემ განაცხადში ცვლილებები შეიტანა - ვინ დაუბრუნდა ნაკრებს და რა თქვა უკრაინის მთავარმა მწვრთნელმა - "ქართველები თავად არიან დამნაშავეები"

საქართველოს ეროვნული საფეხბურთო ნაკრები, დღეს, 28 სექტემბერს, "ერთა ლიგის" გათამაშებაში მეორე შეხვედრას გამართავს და თბილისში, დინამო არენაზე უკრაინას დაუპირისპირდება.

მანდამდე ჩვენი გუნდი ჩრდილოეთ ირლანდიას შეხვდა და მატჩი ანგარიშით 0-1 დათმო.

• რაც შეეხებათ უკრაინელებს, მათ პირველი თამაში უნგრეთთან მინიმალური სხვაობით - 0-1 მოიგეს.

აღსანიშნავია, რომ ჩრდილოეთ ირლანდიასთან წაგებული მატჩის შემდეგ საქარტველოს ნაკრების მთავარი მწვრთნელის პოსტი დატოვა ვილი სანიოლმა და ის რამაზ სვანაძემ შეცვალა. სვანაძის ხელმძღვანელობით კი ჩვენი ნაკრები დღეს პირველ შეხვედრას ჩაატარებს.

• უკვე ცნობილია, რომ რამაზ სვანაძემ გუნდში გარკვეული ცვლილებები განახორციელა. Geo Team-ის ცნობით, მან საბა საზონოვი და საბა ლობჟანიძე უკრაინასთან მატჩის განაცხადში შეიყვანა, სამატჩო განაცხადს მიღმა 5 ფეხბურთელი დარჩა: ილია ბერიაშვილი, ნოდარ ლომინაძე, ვლადიმერ მამუჩაშვილი, გიორგი აბუაშვილი და გიორგი გაგუა.

საქართველოს ეროვნული ნაკრების შესახებ უკრაინელმა მწვრთნელმა, მირონ მარკევიჩმა მატჩამდე ცოტა ხნით ადრე კომენტარი გააკეთა.

- ჩვენს ჯგუფში პარალელურმა მატჩმა ყველა გააკვირვა, სადაც ჩრდილოეთ ირლანდიამ საქართველოს მოუგო. ეს უკრაინის ეროვნულ გუნდს ხელს აძლევს? - ჰკითხა მას ჟურნალისტმა, რასაც უკრაინის მწვრთნელმა ასე უპასუხა:

- ამას მხოლოდ დრო გვაჩვენებს. თუმცა, ამ წაგებაში ქართველები თავად არიან დამნაშავეები. ვფიქრობ, კვარაცხელიას რომ პენალტი გაეტანა, მასპინძლები თამაშს გამარჯვებამდე მიიყვანდნენ.

ცნობისთვის, მატჩი დღეს თბილისის დროით 20:00 საათზე დაიწყება.

• ნახეთ ასევე:
• ვინ არის საქართველოს ეროვნული საფეხბურთო ნაკრების მთავარი მწვრთნელი რამაზ სვანაძე? - კარიერა და მიღწევები