"აბაზანა დაკავებული იყო და სხვა გზა არ მქონდა“ - თბილისში რუსეთის მოქალაქე კაფეში მსხდომ ადამიანებს აივნიდან აშარდავდა (ვიდეო)
თბილისში, ორთაჭალაში, ერთ-ერთი საცხოვრებელი კომპლექსის ტერიტორიაზე, რუსეთის მოქალაქე კაფეში მსხდომ ადამიანებს აივნიდან აშარდავდა. ინციდენტის ამსახველ ვიდეოს სოციალურ ქსელში Ravegram ავრცელებს.
- გავრცელებულ კადრებში ჩანს, რომ მამაკაცის საქციელს მოქალაქეების პროტესტი მოჰყვა. მათი რეაქციის შემდეგ ის აივნიდან რუსეთის სადიდებელ შეძახილებსაც სკანდირებდა - "სლავა რასიე“.
მოქალაქეებმა მომხდარის შესახებ პოლიციას შეატყობინეს. ადგილობრივი მედიის ინფორმაციით, შინაგან საქმეთა სამინისტრომ დაადასტურა, რომ რუსეთის მოქალაქე ადმინისტრაციული წესით დააკავეს.
უწყების ცნობით, მის წინააღმდეგ ადმინისტრაციული სამართალწარმოება საქართველოს ადმინისტრაციულ სამართალდარღვევათა კოდექსის 166-ე და 171-ე მუხლებით მიმდინარეობს. საქმე ეხება წვრილმან ხულიგნობასა და საზოგადოებრივ ადგილებში ადამიანის ღირსებისა და საზოგადოებრივი ზნეობის შეურაცხმყოფელი ქმედების განხორციელებას.
მომხდარის ამსახველ ვიდეოში მამაკაცი თავისი საქციელის მიზეზს ასე ხსნის: "აბაზანა დაკავებული იყო და სხვა გზა არ მქონდა“.