მომღერალმა კონცერტზე დამსწრე ქალს მოულოდნელად სახეში გაარტყა - არტისტს ბრალი წაუყენეს (ვიდეო)
აშშ-ში, ჯორჯიის შტატში მომღერალ სქაი უოთლის ბრალი წაუყენეს ქალზე თავდასხმისა და ცემის გამო. ინციდენტი უშუალოდ კონცერტის მსვლელობისას, სცენაზე გამოსვლის დროს მოხდა.
გამოძიების ცნობით, 2026 წლის 6 სექტემბერს, ჯორჯიის შტატის ქალაქ თაქერში მდებარე Londzell Performing Arts Theatre-ში გამართულ ღონისძიებაზე - Legendary Awards Show & Concert-ის მიმდინარეობისას სქაი უოთლიმ სცენიდან მოულოდნელად ხელი გაარტყა მაყურებელ შამიკა ბოიდს.
დაზარალებული ქალი კონცერტზე თავისი დიჯეი ქალიშვილის მხარდასაჭერად იმყოფებოდა. დარტყმა იმდენად ძლიერი აღმოჩნდა, რომ ბოიდს ორივე თვალი დაულურჯდა და კბილის კომპოზიტური მასალა ჩამოეშალა.
- “როდესაც დამარტყა, შოკირებული ვიყავი. ვფიქრობდი, რატომ გააკეთა ეს, რადგან არანაირი მიზეზი არ ჰქონდა. მისთვის არანაირი საფრთხე არ შემექმნია“, - აღნიშნა შამიკა ბოიდმა. მისივე თქმით, დარტყმის შემდეგ მომღერალმა მას უხეში ჟესტი უჩვენა და შეაგინა.
მომღერალს, რომელსაც Spotify-ზე თვეში დაახლოებით 3 500 მსმენელი ჰყავს, მსუბუქი ძალადობის ბრალდებით დაკავების ორდერი გამოუწერეს. თუმცა, სამართალდამცველებს იგი ჯერჯერობით არ დაუკავებიათ.