ბუდუ ზივზივაძე სასტარტოში, საბა საზონოვის დაბრუნება 3-წლიანი პაუზის შემდეგ და დაუნდობელი თამაში პირველივე წუთებიდან - პირველი ტაიმი ფრედ დასრულდა

"უინძორ პარკზე" ჩრდილოეთ ირლანდიისა და საქართველოს შეხვედრა მიმდინარეობს.

მატჩის დაწყებამდე საქართველოს ეროვნული საფეხბურთო ნაკრების მთავარმა მწვრთნელმა სასტარტო შემადგენლობაში საინტერესო ცვლილებები განახორციელა და 3-წლიანი პაუზის შემდეგ ძირითად შემადგენლობაში საბა საზონოვი ჩააყენა.

საქართველოს სასტარტო შემადგენლობაში ასევე გამოცხადდნენ ბუდუ ზივზივაძე, ზურა დავითაშვილი და მამაგეიშვილი.

შეხვედრა ქართველების ლიდერობით დაიწყო. წინა მატჩებისგან განსხვავებით, დღეს ეროვნულმა ნაკრებმა პრესინგი პირველივე წუთებიდან დაიწყეს.

27-ე წუთზე დავითაშვილის აქტიურობას სახიფათო მომენტი მოჰყვა - თუმცა ჩარლზმა ჩრდილოეთ ირლანდია გაშვებული გოლისგან იხსნა.

• საქართველოს ეროვნული ნაკრები ერთა ლიგის მეოთხე ტურის შეხვედრას ჩრდილოეთ ირლანდიის ნაკრების წინააღმდეგ, ბელფასტში მართავს.

“პირველ რიგში, საკუთარ თავზე ვართ დამოკიდებული. მჯერა, რომ თუ ხვალ საკუთარ თავს ძალიან კარგად წარმოვაჩენთ, მეტი შანსი გვექნება, რომ ყველანი გახარებული და გამარჯვებული დავბრუნდეთ სახლში“, - განაცხადა ნაკრების მთავარმა მწვრთნელმა რამაზ სვანაძემ პრესკონფერენციაზე.

ტურნირის პირველი 3 მატჩის შემდეგ ჩვენი ნაკრები 1 ქულით, ჯგუფში ბოლო ადგილზეა.