წლის სარეკლამო ჰიტი: როგორ გააერთიანა "მოდუსმა" 3 თაობა ერთი ნოსტალგიით
თანამედროვე სარეკლამო ინდუსტრიაში მომხმარებლის ყურადღების მიქცევა მხოლოდ პროდუქტის სარგებლით სულ უფრო რთულდება. გამორჩეულია ის ბრენდია, რომელიც აუდიტორიას ნამდვილ, გულწრფელ ემოციას უზიარებს. სწორედ ამ პრინციპზე ააგო „მოდუსმა“ თავისი უახლესი კამპანია - „ამბობენ, მოდუსში ყველაფერია“, რომელმაც სრულიად განსხვავებული ასაკობრივი ჯგუფები, ბუმერებიდან დაწყებული Gen Z-ით დამთავრებული, საერთო მოგონებების გარშემო გააერთიანა.
ნაცვლად სტანდარტული სარეკლამო თხრობისა, ბრენდმა სააგენტო T-RECS-თან კოლაბორაციით საკულტო სატელევიზიო ფორმატი - „ამბობენ“ გააცოცხლა.
იდეის მთავარი მიზანი იყო, შეექმნათ სივრცე, სადაც წარსულის ესთეტიკა და თანამედროვე კომერციული სათქმელი ერთმანეთს ბუნებრივად შეერწყმებოდა. ეს არ არის მხოლოდ პროდუქციის წარმოჩენა; ეს არის ნოსტალგიური მუხტი, რომელიც ადამიანებს საკუთარ ბავშვობასა თუ ახალგაზრდობაში აბრუნებს.
ვიდეორგოლი ნამდვილ ვარსკვლავურ კოლაჟს წარმოადგენს. ეკრანზე ერთმანეთს ენაცვლებიან ის ადამიანები, რომლებიც სხვადასხვა თაობისთვის საყვარელ მოგონებებთან ასოცირდებიან: აჩიკო მეფარიძე, ეკა კახიანი, ლალი ტოტიკაშვილი, თამუნა ამონაშვილი, ჯგუფი „ქუჩის ბიჭები“, ზალიკო ბერგერი, მაესტრო მორისი, ირმა სოხაძე, თეა გვასალია და ზუკა ხუციშვილი.
თუმცა, მხოლოდ ცნობილი სახეების შეკრებით არ შემოიფარგლნენ რადგან ემოცია დეტალებშია. კამპანიის ავტორებმა ზუსტად დაიჭირეს ის ყოველდღიური ნიუანსები, რაც ეპოქას განასახიერებს. კადრში გამოჩენილი 90-იანი წლების სტილის, „ბელას ტორტების“ უზარმაზარი, ტრადიციული სადღესასწაულო ტორტი ზუსტად ის ვიზუალური კოდია, რომელიც მაყურებელში მყისიერ ღიმილსა და ნოსტალგიას იწვევს.
მსგავსი მარკეტინგული ნაბიჯით „მოდუსმა“ სათქმელი ზუსტად მიიტანა ადრესატამდე: როგორც ეს სარეკლამო რგოლი იტევს ჩვენი მეხსიერების ყველაზე თბილ, ნაცნობ და მრავალფეროვან სახეებს, ზუსტად ისე იტევს „მოდუსიც“ ყველაფერს, რაც მომხმარებელს ყოველდღიურობაში სჭირდება. ნოსტალგიის ოსტატურად გამოყენებამ ბრენდს საშუალება მისცა, სამი თაობისთვის ერთი უნივერსალური ჭეშმარიტება შეეხსენებინა - აქ მართლაც ყველაფერია.
R