რა ხდება ვაზიანი-გომბორი-თელავის გზის მონაკვეთზე, სადაც გუშინ, მეწყრული პროცესების შედეგად, კლდის მასა ჩამოვიდა?
შიდასახელმწიფოებრივი მნიშვნელობის ვაზიანი-გომბორი-თელავის საავტომობილო გზის 26-ე კმ-ზე ყველა სახის ავტოტრანსპორტის მოძრაობა აღდგენილია.
საავტომობილო გზის აღნიშნულ მონაკვეთზე ავტოტრანსპორტის მოძრაობა განხორციელდება გაუჩერებლად გავლის რეჟიმში.
ინფორმაციას საავტომობილო გზების დეპარტამენტი ავრცელებს.
შეგახსენებთ, გუშინ ვაზიანი-გომბორი-თელავის გზის 26-ე კმ-ზე მეწყრული პროცესები განვითარდა.
საავტომობილო გზების დეპარტამენტის ცნობით, კლდოვანი მასის ჩამოსვლის გამო, აღნიშნულ მონაკვეთზე დროებით ყველა სახის ავტოტრანსპორტის მოძრაობა აკრძალული იყო.