“არარეგიონალური მოთამაშეები რუსოფობიური ხასიათის ავანტიურებში საქართველოს ჩათრევას ცდილობენ“ - მარია ზახაროვა
რუსეთის საგარეო საქმეთა სამინისტროს პრესსპიკერი მარია ზახაროვა აცხადებს, რომ არარეგიონალური მოთამაშეები საქართველოს რუსოფობიური ხასიათის სახიფათო ავანტიურებში ჩათრევას ცდილობენ, არსებული ვითარება კი მათთვის ყელში გაჩხირული ძვალია.
ზახაროვას მტკიცებით, თბილისი მკაფიოა, რომ არ აპირებს იმოქმედოს ეროვნული ინტერესების წინააღმდეგ, რადგან არ უშვებს კარნახს გარედან.
- ზახაროვას თქმით, მოსკოვს ესმის თბილისის მცდელობების, აღმართოს ბარიერი გარედან მომავალი “დესტრუქციული გავლენების“ წინააღმდეგ და არ დაუშვას ქვეყნის ჩათრევა დასავლურ, “რუსოფობიურ ავანტიურებში“.
“არ შეიძლება არ აღვნიშნოთ, რომ ვითარება, რომელიც იქმნება, უბრალოდ, როგორც ყელში გაჩხირული ძვალია არარეგიონალური მოთამაშეებისთვის, რომლებიც რუსოფობიური ხასიათის სახიფათო ავანტიურებში საქართველოს ჩათრევას ცდილობენ.
მგონი, თბილისმა არაერთხელ ძალიან მკაფიოდ და ფართოდ თქვა, რომ ეს არ შედის ქართველი ხალხის გეგმებში - [არ აპირებენ] თავად იმოქმედონ საკუთარი ეროვნული ინტერესების წინააღმდეგ, საკუთარი თავის საზიანოდ.
გაგებით ვეპყრობით რესპუბლიკის მცდელობებს, დააყენონ გარკვეული ბლოკი, ააშენონ გარკვეული შეფერხება გარედან ამ დესტრუქციული გავლენების წინააღმდეგ და ამავდროულად, იმოქმედონ თანასწორუფლებიან და ორმხრივი პატივისცემის საფუძველზე გარე პარტნიორებთან. ანუ ეს, ჩემი აზრით, შეესაბამება “სუვერენიტეტის” განმარტებას - როდესაც არ უშვებ ასეთ გამანადგურებელ გავლენებს, რომელთა მიზანიც არის კი არ დაგეხმარონ, არამედ უბრალოდ გიკარნახონ საკუთარი ნება, განსაკუთრებით კი ნება, რომელიც დესტრუქციული პროცესებისადმი მიდის”, - განაცხადა მარია ზახაროვამ.