აშშ-ში, მექსიკის ყურის სანაპიროს ძლიერი ქარიშხალი "ისაიასი“ უახლოვდება - ფლორიდაში, ჯორჯიასა და ალაბამაში საგანგებო მდგომარეობა გამოცხადდა
აშშ-ში, მექსიკის ყურის სანაპიროს ძლიერი ქარიშხალი "ისაიასი“ უახლოვდება. საფრთხის გამო ფლორიდაში, ალაბამასა და ჯორჯიაში საგანგებო მდგომარეობა გამოცხადდა.
აშშ-ის ქარიშხლების ეროვნულ ცენტრში აცხადებენ, რომ "ისაიასის“ ქარის სიჩქარე საათში დაახლოებით 105 მილს (169 კმ/სთ) აღწევს. პროგნოზის მიხედვით, ქარიშხალი შესაძლოა კიდევ გაძლიერდეს, სანამ ჩრდილოეთ ყურის სანაპიროს მიაღწევს. მისი სავარაუდო ტრაექტორია მისისიპის, ალაბამასა და ფლორიდის ჩრდილო-დასავლეთ ნაწილს მოიცავს.
მოსალოდნელია ძლიერი ქარი, უხვი ნალექი, ზოგიერთ ადგილას კი წყლის დონის სახიფათო მატებასაც პროგნოზირებენ. ხელისუფლება მოსახლეობას მოუწოდებს, გაითვალისწინოს ადგილობრივი სამსახურების რეკომენდაციები და საჭიროების შემთხვევაში დატოვოს საფრთხის ზონები.
ფლორიდაში სამაშველო სამსახურები და ეროვნული გვარდიის დანაყოფები მობილიზებულია. მაიამი-დეიდის სახანძრო-სამაშველო სამსახურმა ტალაჰასიში 88-კაციანი საძიებო-სამაშველო ჯგუფი გაგზავნა, რათა შტორმის შედეგად დაზარალებულ მოსახლეობას საჭიროების შემთხვევაში დაეხმაროს.
ქარიშხლის მოსალოდნელი გავლენის გამო, სანაპირო დასახლებებში ევაკუაციის შესახებ მითითებები გაიცა, ხოლო საგანგებო სამსახურები შესაძლო ელექტროენერგიის გათიშვისა და სხვა ზიანისთვის ემზადებიან.