"ძალიან დიდი ტრაგედია მოხდა, განადგურებულები ვართ" - ახალი დეტალები ქუთაისში მომხდარ ავარიაზე, რომლის დროსაც ქვეითი გარდაიცვალა, ნერვიულობისგან დაიღუპა ავტომობილის მძღოლიც

ქუთაისში ავარიის შედეგად დაშავებული ქვეითი კლინიკაში გარდაიცვალა, ამის გაგების შემდეგ ნერვიულობისგან დაიღუპა ავტომობილის მძღოლიც.

როგორც ახლობელი ამბობს, მამაკაცი სახლში ბრუნდებოდა, რა დროსაც მოხდა უბედური შემთხვევა. არსებული ინფორმაციით, მძღოლი არაფხიზელ მდგომარეობაში იმყოფებოდა.

• "ძალიან დიდი ტრაგედია მოხდა. განადგურებულები ვართ. ქვეითად მოდიოდა ტროტუარზე. სახლში ბრუნდებოდა. მძღოლი სხვა ზოლიდან - სხვა ზოლზე გადავიდა. გადაკვეთა ყველა ხაზი საპირისპიროდ. ჩემი ახლობელი ძალიან მძიმედ დაშავდა, 10 დღე სიკვდილს ებრძოდა. მოკვდა უდანაშაულო ადამიანი," - ამბობს ახლობელი.

ავტოსაგზაო შემთხვევა ავანგარდის დასახლებაში 30 სექტემბერს მოხდა, მას შემდეგ მძიმედ დაშავებული კაცი საავადმყოფოში რამდენიმე დღის განმავლობაში იმყოფებოდა, თუმცა ექიმებმა მისი გადარჩენა ვერ შეძლეს.

ასევე წაიკითხეთ:

• ავარია ქუთაისში - გარდაცვლილია ქვეითი: "ნერვიულობისგან დაიღუპა ავტომობილის მძღოლიც"