კრიზისი ახლო აღმოსავლეთში მწვავდება - ახალი დარტყმა რიადზე: აეროპორტი დაიხურა, ჰუსიტები მუქარას აახლებენ, ვაშინგტონი საპასუხო ნაბიჯისთვის ემზადება
საუდის არაბეთის დედაქალაქ რიადის მეფე ხალიდის სახელობის საერთაშორისო აეროპორტზე თავდასხმიდან 1 დღის შემდეგ, აეროპორტის ტერმინალს დაუდგენელი ჭურვი მოხვდა. გავრცელებული ინფორმაციით, აეროპორტი დაიხურა, ჰუსიტებმა კი განაახლეს მუქარა, რაზეც ვაშნგტონი თავის მხრივ რეაგირებას გეგმავს.
საუდის არაბეთის მეთაურობით იემენში ჰუსიტების წინააღმდეგ მებრძოლი საერთაშორისო კოალიციიის წევრის, გენერალ-მაიორ ტურკი ალ-მალკის განაცხადებით, ჭურვი მე-4 ტერმინალს მოხვდა. მანვე დასძინა, რომ საჰაერო თავდაცვის სისტემებმა ფრთოსანი რაკეტა აეროპორტის მიმდებარე ტერიტორიაზე ჩამოაგდეს და გაანადგურეს.
შეგახსენებთ, რომ ერთი დღის წინ, საუდის არაბეთის დედაქალაქ რიადის მეფე ხალიდის სახელობის საერთაშორისო აეროპორტზე განხორციელებული თავდასხმის შედეგად, სულ მცირე 12 ადამიანი დაიღუპა, ხოლო 309 დაშავდა. მომხდარზე პასუხისმგებლობა საუდის არაბეთის სათავეში არსებულმა სამხედრო კოალიციამ იემენელ ჰუსიტებს დააკისრა და საპასუხო დარტყმებით დაემუქრა.
- თვითმხილველის თქმით, დარტყმა შიდა რეისების ტერმინალში, 401-ე გასასვლელთან განხორციელდა, რასაც ხალხში მასობრივი პანიკა მოჰყვა.
საუდის არაბეთის სამოქალაქო ავიაციის ორგანოს ცნობით, დაღუპულთა შორის საუდის არაბეთის 4 მოქალაქეა, 2 ბანგლადეშიდან, ხოლო თითო-თითო - აშშ-იდან, იორდანიიდან, პალესტინიდან, სირიიდან, სუდანიდან და ეგვიპტიდან.
აღნიშნული თავდასხმა საუდის არაბეთის სამეფოში 2015 წლის მაისის შემდეგ ყველაზე სისხლიანი აღმოჩნდა.
წყარო: euronews.com/
ასევე იხილეთ:
მოამზადა: ანა სიბოშვილმა