ძამას ხეობაში ექსკურსიის მანქანა გზიდან გადავარდა - არიან დაშავებულები: დეტალები

ძამას ხეობაში ვიზიტორების მანქანა გზიდან გადავარდა. დაშავდა 6 ადამიანი, მათ შორის 4 ბავშვი. ამის შესახებ ინფორმაციას "ქართლის ამბები" ავრცელებს. შემთხვევა გუშინ მოხდა.

ქარელის საავადმყოფოში "ქართლის ამბებს" განუცხადეს, რომ დაშავებულების მდგომარეობა დამაკმაყოფილებელია.

"ექვსი პირი იყო დაშავებული, მათ შორის, 4 ბავშვი. ნაწილი გაეწერა, ორი ისევ აგრძელებს მკურნალობას."- განაცხადეს საავადმყოფოში.

როგორც "ინტერპრენიუსს“ შინაგან საქმეთა სამინისტროში განუცხადეს, გამოძიება დაწყებულია 276-ე მუხლის მეორე ნაწილით, რაც გულისხმობს მოძრაობის წესების დარღვევას, რამაც სხეულის ნაკლებად მძიმე დაზიანება გამოიწვია.

.