ხინკალი და ხაჭაპური გაძვირდა - კიდევ რაზე მოიმატა ფასებმა რესტორნებში?!

სტატისტიკის ეროვნული სამსახურის მონაცემებით, 2026 წლის სექტემბერში, წინა წლის ანალოგიურ პერიოდთან შედარებით, რესტორანსა და კაფეში თითქმის ყველა პროდუქტი გაძვირდა. ყველაზე მოთხოვნად პროდუქტებზე - ხინკალზე ფასმა 15.41%-ით, ხოლო ხაჭაპურზე - 5.85%-ით მოიმატა.

ამავე სტატისტიკის მიხედვით, ინგრედიენტების ღირებულება, რომელიც ხინკლისა და ხაჭაპურის მომზადებას სჭირდება, საანგარიშო პერიოდში შემდეგნაირად განისაზღვრა: ძროხის ხორცის ფარში 15.52%-ით გაძვირდა, ძროხის ხორცი - 17.63%-ით, ღორის ხორცი - 3.26%-ით, ფქვილი - 5.65%-ით, მარილი - 0.46%-ით, იმერული ყველი - 3.44%-ით, ხახვი - 35.15%-ით და ზეთი - 7.68%-ით გაძვირდა. ამასთან, საქსტატის ცნობით, სექტემბერში ხინკლის და ხაჭაპურის ინგრედიენტებიდან მხოლოდ კარაქი და მწვანილი გაიაფდა, შესაბამისად 1.55% და 5.26%-ით. განაგრძეთ კითხვა