უკრაინის საზღვაო ძალებმა 6 რუსული Su-34M ტიპის ბომბდამშენი "ნეპტუნის“ რაკეტებით გაანადგურეს - რა ხდება ცნობილი?

• ფოტო არ ასახავს რეალურ სურათს, დაგენერირებულია AI-ის მიერ

უკრაინის სამხედრო-საზღვაო ძალების განცხადებით, 15 ოქტომბრის ღამეს რუსეთის კუთვნილი 6 ერთეული Su-34M ტიპის ბომბდამშენი გაანადგურეს, - ინფორმაციას უკრაინული მედია ავრცელებს.

"15 ოქტომბრის ღამეს უკრაინის შეიარაღებული ძალების სამხედრო-საზღვაო ძალებმა, რუსეთის ფედერაციის ვორონეჟის ოლქში მდებარე ბორისოგლებსკის სამხედრო აეროდრომზე დარტყმის განსახორციელებლად, გამოიყენეს სანაპირო სარაკეტო სისტემა "ნეპტუნი“, - ნათქვამია უკრაინის სამხედრო-საზღვაო ძალების განცხადებაში.

სამხედრო-საზღვაო ძალების ცნობით, დარტყმის შედეგად ასევე განადგურდა ავიაციის ფრენების უზრუნველსაყოფად განკუთვნილი ტექნიკური აღჭურვილობა; აეროდრომზე დაფიქსირდა ფეთქებები და ხანძარი.

"Su-34M-ებს შეუძლიათ ერთდროულად ატარონ რამდენიმე მართვადი და ფუგასური ბომბი, ასევე სხვადასხვა ტიპის რაკეტები; ისინი რუსული ავიაციის ერთ-ერთ მთავარ საშუალებას წარმოადგენენ უკრაინის თავდაცვის ძალების პოზიციებისა და ფრონტის ხაზთან მდებარე დასახლებული პუნქტების წინააღმდეგ მართვადი ბომბებით დარტყმების განსახორციელებლად“, - აცხადებენ სამხედრო-საზღვაო ძალებში