“თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს“ - პროკურატურა განცხადებას ავრცელებს

საქართველოს პროკურატურა ვატო ყიფიანისა და ავთანდილ ბილანიშვილის დაკავებასთან დაკავშირებით განცხადებას ავრცელებს.

• უწყების ინფორმაციით, ჯგუფურად ჩადენილი ძალადობის ფაქტზე სამ პირს წარუდგინეს ბრალდება.

“შინაგან საქმეთა სამინისტროს მიერ ჩატარებული გამოძიებით დადგინდა, რომ 2026 წლის 14 ოქტომბერს, ქალაქ თბილისში, ერთ-ერთ რესტორანში, ვახტანგ ჟვანია(იგივე ვატო ყიფიანი), ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს, რომელმაც ფიზიკური ტკივილი განიცადა.

დაკავებულებს ბრალდება საქართველოს სისხლის სამართლის კოდექსის 126-ე მუხლის პირველი პრიმა ნაწილის „ბ“ ქვეპუნქტით (ძალადობა, ჩადენილი ჯგუფურად) წარედგინათ, რაც სასჯელის სახედ და ზომად ორ წლამდე თავისუფლების აღკვეთას ითვალისწინებს.

პროკურატურა ბრალდებულებისთვის აღკვეთის ღონისძიების სახით პატიმრობის მოთხოვნის შუამდგომლობით სასამართლოს კანონით დადგენილ ვადებში მიმართავს,“ - აღნიშნულია განცხადებაში.

იხილეთ ასევე:

• რას ედავება შსს ე.წ. კრიმინალურ ავტორიტეტებს და რომელ გახმაურებულ საქმეებთან არის დაკავშირებული ვატო ყიფიანისა და ავთო ბილანიშვილის სახელები