“ვინმეს რომ ეთქვა, 63 წლის ასაკში წვრილმანი ხულიგნობისთვის დაგიჭერენო... შეურაცხყოფა მიმიყენებია თამარ ბაგრატიონისთვის“ - ირინა სარიშვილის განცხადებით, ფეისბუქპოსტის გამო სასამართლოში დაიბარეს
ირინა სარიშვილის განცხადებით, სოციალურ ქსელში დაწერილი პოსტის გამო მას სასამართლოში იბარებენ.
“აი ვინმეს რომ ეთქვა 63 წლის ასაკში წვრილმანი ხულიგნობისთვის დაგიჭერენო... ხოდა ამასაც მოვესწარი: დღეს საქალაქო სასამართლოში ჩამბარდა ოქმი, რომელშიც წერია რომ შსს-ს ინიციატივით, ა. წ. 30 ოქტომბერს, თბილისის საქალაქო სასამართლოში გაიმართება სასამართლო პროცესი ჩემ წინააღმდეგ საკუთარ ფეისბუკ-გვერდზე გამოქვეყნებული პოსტის გამო, რომელშიც შეურაცხყოფა მიმიყენებია თამარ ბაგრატიონისთვის (მ.ყ.-ს მეუღლე) და ფბ მომხმარებელ ვინმე ავრორა ბებიასთვის, რითაც გამომიწვევია საზოგადოებრივი წესრიგის და მოქალაქეთა სიმშვიდის დარღვევა.
სასჯელი ითვალისწინებს პატიმრობას ან ჯარიმას (პოსტის და კომენტარის სქრინს კომენტარში დავდებ).
არც ვიცი რა ვთქვა", - წერს ირინა სარიშვილი სოციალურ ქსელში.