"კივილი და პანიკა ატეხა... ხელებს მაგიდაზე ურტყამდა" - რატომ უჩივის სასამართლოში ფრიდონ სულაბერიძე კულტურის ყოფილ მინისტრს
მოცეკვავე ფრიდონ სულაბერიძე (უმცროსი) "ფორმულასთან" ინტერვიუში აცხადებს, რომ კულტურის ყოფილი მინისტრის, თიკა რუხაძის წინააღმდეგ სასამართლოში სარჩელი აქვს შეტანილი.
"ფორმულას" ინფორმაციით, თინათინ რუხაძის კაბინეტში მინისტრთან შესახვედრად ანსამბლ "რუსთავის“ ხელმძღვანელი და მისი ვაჟი, უფროსი და უმცროსი სულაბერიძეები იმყოფებოდნენ ანსამბლის ახალი ქორეოგრაფის, მამუკა ცერცვაძის კანდიდატურის წარსადგენად, რომელიც "სუხიშვილების" ყოფილი მოცეკვავეა.
არსებული ინფორმაციით, სწორედ ამიტომ (რადგან ცერცვაძე "სუხიშვილების" ყოფილი მოცეკვავეა) თიკა რუხაძე მისი კანდიდატურის წინააღმდეგი იყო.
- უმცროსი სულაბერიძე ჰყვება, რომ თიკა რუხაძე მათ უყვიროდა, გამოიძახა დაცვაც, რის შემდეგაც სულაბერიძეებმა ამ შეურაცხყოფის ფონზე კაბინეტი დატოვეს.
"შელაპარაკება როდესაც მოხდა, თიკა რუხაძემ დაიწყო ხელების მაგიდებზე დარტყმა, ყვიროდა : "გაიყვანეთ აქედან", "წადით აქ არ დამენახვოთ" და ა.შ. კივილი, პანიკა ატეხა. დაუძახა დაცვას...
სასამართლო სარჩელი არის შეტანილი და გაჩერებული იქნა 1 წლის განმავლობაში რუხაძის მინისტრობის პერიოდში.
თუ სასამართლო ჩაინიშნება ყველა მოცეკვავე და ყველა პერსონა რომელიც გაათავისუფლეს სამსახურიდან, დაბრუნდებიან თავიანთ ადგილებზე." - განაცხადა ფრიდონ სულაბერიძემ.
ასევე იხილეთ: