პარანორმალური შემოჭრა აშშ-მექსიკის საზღვართან? - ადგილობრივების მტკიცებით, ჰუმანოიდური აღნაგობის მტაცებელი არსება მათ შინაურ ფრინველებს ანადგურებს

აშშ-ისა და მექსიკის საზღვართან, სამხრეთ ტეხასის შტატში ადგილობრივ მოსახლეობას უცნაურმა და საშიშმა მოვლენამ შიში ჩაუნერგა. გავრცელებული ცნობებით, რეგიონში გაჩნდა უცნობი, ჰუმანოიდური “პრედატორი“ (მტაცებელი არსება), რომელიც ფერმებსა და ეზოებში ქათმებსა და შინაურ ფრინველებს ესხმის თავს.

• ადგილობრივი მცხოვრებლებისა და ფერმერების თქმით, ღამის საათებში ეზოებიდან უცნაური ხმები ისმის, რის შემდეგაც დილით შინაური ფრინველები დახოცილები ან გაუჩინარებულები ხვდებათ.

ზოგიერთი თვითმხილველის აღწერით, არსება ორ ფეხზე მოძრაობს, თუმცა მისი სხეულის აგებულება და მოძრაობის მანერა ცხოველისას წააგავს. ადგილობრივთა ნაწილი ვარაუდობს, რომ ეს შესაძლოა ლეგენდარული “ჩუპაკაბრა“ იყოს - საიდუმლოებით მოცული არსება, რომელიც ლათინური ამერიკისა და სამხრეთ აშშ-ის ფოლკლორში შინაური ცხოველების სისხლისმწოველად ითვლება.

მეცნიერები და ველური ბუნების ექსპერტები ჯერჯერობით სიფრთხილეს ინარჩუნებენ და მოსახლეობას მოუწოდებენ პანიკას არ აყვნენ.

ექსპერტთა ნაწილის შეფასებით, “უცნობი მტაცებელი“, სავარაუდოდ, მძიმე დაავადებით (მაგალითად, დემოდეკოზით ან მუნით) დაავადებული კოიოტი, მგელი ან ველური ძაღლია, რომელმაც ბეწვი დაკარგა და უჩვეულო, “ჰუმანოიდური“ გარეგნობა მიიღო.

მიუხედავად ოფიციალური ვერსიებისა, ადგილობრივი ფერმერები ღამის საათებში უსაფრთხოების ზომებს ამკაცრებენ, საქათმეებს დამატებით საკეტებს ადებენ და ეზოებში ვიდეოსათვალთვალო კამერებსა და განათებას ამონტაჟებენ.

წყარო