"სერ, ტრამპის მსგავსად, თქვენც ჰუმანისტი ბრძანდებით" - უიტკოფი-პუტინის 3-საათიანი შეხვედრა სანქტ-პეტერბურგში: რაზე ისაუბრეს მხარეებმა და რა თქვეს შეხვედრის შემდეგ
სანქტ-პეტერბურგში ვლადიმერ პუტინი აშშ-ის პრეზიდენტის სპეციალურ წარმომადგენელს სტივ უიტკოფს შეხვდა. შეხვედრა დაახლოებით სამი საათი გაგრძელდა, ხოლო მისი დასრულების შემდეგ, რუსულმა მხარემ აუდიენციას "ნაყოფიერი" უწოდა, ხოლო თავად სტივ უიტკოფმაა ვლადიმერ პუტინი "ჰჰუმანისტად" მოიხსენია.
-
"თქვენ ძალიან ბევრს საუბრობთ იმაზე, რომ ჩემი პრეზიდენტი, პრეზიდენტი დონალდ ტრამპი, ჰუმანისტია. სერ, თქვენც ჰუმანისტი ბრძანდებით. ჩემს პატივისცემას გამოვხატავ და კიდევ ერთხელ მადლობას გიხდით“, - განაცხადა აშშ-ის პრეზიდენტის სპეციალურმა წარმომადგენელმა.
პუტინმა და უიტკოფმა შეხვედრაზე სხვა თემებთან ერთად უკრაინაში ომის დასრულების საკითხი განიხილეს.
- რუსეთის პრეზიდენტ ვლადიმერ პუტინსა და აშშ-ის პრეზიდენტის სპეციალური წარმომადგენლის, სტივ უიტკოფს შორის შეხვედრა პროდუქტიული იყო , - ამის შესახებ რუსეთის პრეზიდენტის წარმომადგენელმა კირილ დმიტრიევმა განაცხადა.
"სანქტ-პეტერბურგში ძალიან პროდუქტიული შეხვედრა შედგა“, - განაცხადა დმიტრიევმა.
კრემლის პრესსპიკერმა დიმიტრი პესკოვმა კი რუსეთის პრეზიდენტის ვლადიმერ პუტინისა და აშშ-ის პრეზიდენტის სპეციალურ წარმომადგენელ სტივ უიტკოფის შეხვედრას "შინაარსიანი“ უწოდა.
რუსული სახელმწიფო მედია აღნიშნავს, რომ ტრამპის სიძემ, ჯარედ კუშნერმა სანქტ-პეტერბურგში ჩასვლა ვერ შეძლო და შეხვედრის დასაწყისში უიტკოფმა აღნიშნა, რომ კუშნერი შეხვედრას ტელეფონით შეუერთდება, რათა “რიგი იდეები წარადგინოს”.
ასევე, კრემლის თანახმად, შეხვედრის დასრულების შემდეგ უიტკოფმა და დმიტრიევმა ერთად დატოვეს კონსტანტინეს სასახლე.