საქართველოს საპატრიარქო საყოველთაო ნათლობასთან დაკავშირებით განმარტებას ავრცელებს
საქართველოს საპატრიარქო საყოველთაო ნათლობასთან დაკავშირებით განმარტებას ავრცელებს.
“ამა წლის 25 ოქტომბერს სხალთის ეპარქიაში დაგეგმილი საყოველთაო ნათლობა არ უკავშირდება სრულიად საქართველოს კათოლიკოს-პატრიარქის მიერ დაწესებულ მესამე და ყოველი მომდევნო შვილის ნათლობის ტრადიციას.
სრულიად საქართველოს კათოლიკოს-პატრიარქის ნათლულთა საყოველთაო ნათლობა, რომელიც ჯვარდაწერილი მშობლების მესამე და ყოველ მომდევნო შვილს ეხება, წელიწადში რამდენჯერმე ტარდება თბილისის ყოვლადწმინდა სამების სახელობის საპატრიარქო ტაძარში.
აღნიშნული ნათლობის მორიგი თარიღი ნოემბრის შუა რიცხვებში გამოცხადდება,“ - აღნიშნულია მათ მიერ გავრცელებულ ინფორმაციაში.