"მსგავსი სადიზმი არასდროს მახსოვს. რა ხდება, ეს რა ჯოჯოხეთში ვცხოვრობთ... მიაქციეთ შვილებს ყურადღება" - რას წერს ნინი შერმადინი
მომღერალი ნინი შერმადინი სოციალურ ქსელში ცხოველების მიმართ ჩადენილ სისასტიკეზე წერს.
"ახლახან ფოტო შემხვდა, ფისოს მოჭრილი თავი ეგდო თელავში, სკოლის ეზოში! მსგავსი სადიზმი არასდროს მახსოვს, რა ხდება, ეს რა ჯოჯოხეთში ვცხოვრობთ?!" - წერს მომღერალი.
ნინი შერმადინი მშობლებს მოუწოდებს, შვილების აღზრდას მეტი ძალისხმევა დაუთმონ.
"მიაქციეთ შვილებს ყურადღება, ფსიქოპატებს ნუ ზრდით! ცხოველზე მზრუნველობით და მოვლით ასწავლეთ ადამიანობა, რომ დაბერდებით და უსუსურები გახდებით, თქვენც არ მოგისროლონ ნაგავში, ან არ გამოგასალმონ სიცოცხლეს! ზუსტად ასეთი ბავშვები იზრდებიან მანიაკები და საზოგადოებისთვის საშიში! ადრე ასაფეთქებელი ჩაუდეს ძაღლს პირში და არასრულწლოვანები არიანო და არც გაასაჯაროვეს და არც დასაჯეს!" - წერს ნინი შერმადინი.