"ჩემი ახლობელი გაეხვა ახალ თაღლითურ სქემაში. ვითომ ბანკის თანამშრომელმა დაურეკა... ცოტა ხანში დარეკვაც არ დასჭირდებათ ისე გაგვძარცვავენ" - რას წერს ნინია კაკაბაძე

ჟურნალისტი ნინია კაკაბაძე სოციალურ ქსელში წერს, რომ მისი მეგობარი თაღლითობის მსხვერპლი გახდა.

"2 დღის წინ ჩემი ახლობელი გაეხვა ახალ თაღლითურ სქემაში.

ვითომ ბანკის თანამშრომელმა დაურეკა, სესხი გაქვს დამტკიცებული და ვამოწმებთ ხომ ნამდვილად შენ ხარო. ისე გააბრუეს ლაპარაკით, 3 საათი ტელეფონი ხელში მეჭირაო. საბოლოოდ, მართლა ააღებინეს ეს სესხი და შემდეგ ვითომ ბანკში, სინამდვილეში კი რომელიღაც სკამერის ანგარიშზე გადაარიცხინეს.

ჩვენს ქვეყანაში იმდენად წახალისებულია ქოლ ცენტრები, ისე მრავლდებიან ეს ცენტრები ყოველდღიურად, რომ ცოტა ხანში უკვე დარეკვაც არ დასჭირდებათ, ისე გაგვძარცვავენ. უპატრონო ქვეყანაში ვცხოვრობთ, სადაც კორუფცია და ქურდობა ყვავის, სისტემა კი ყარს" - წერს ნინია კაკაბაძე.