Mercedes-Benz-ი მოგების მნიშვნელოვან შემცირებას პროგნოზირებს
Mercedes-Benz-ი ელოდება, რომ მისი 2026 წლის ძირითადი მოგება უცვლელი დარჩება და 5.8 მილიარდ ევროს შეადგენს. კომპანიამ უარი თქვა ადრინდელ პროგნოზზე, რომელიც მოგების 15%-იან ზრდას ითვალისწინებდა, რაც კიდევ ერთხელ მიუთითებს იმ ღრმა სტრუქტურულ კრიზისზე, რომელიც გერმანიის ავტოინდუსტრიას ემუქრება.
27 ოქტომბერს Mercedes-Benz-ი მესამე მსხვილი გერმანული ავტომწარმოებელი გახდა, რომელმაც მოგების წლიური პროგნოზი შეამცირა. მიზეზად ჩინეთში არსებული რთული საბაზრო პირობები, ასევე ნედლეულისა და მასალების გაძვირება დასახელდა.
2026 წლის პირველ ცხრა თვეში ჩინეთში Mercedes-Benz-ის ავტომობილების მიწოდება კიდევ 29%-ით შემცირდა და ეს მას შემდეგ, რაც მან გასულ წელს, 2016 წლის შემდეგ ყველაზე დაბალ ნიშნულს მიაღწია.
გარდა Mercedes-Benz-ისა წლიური პროგნოზები უკვე შეამცირეს BMW-მ და Volkswagen-მა, რისი მიზეზიც გერმანულ ავტომობილებზე დაბალი მოთხოვნა და ჩინელი კონკურენტების (როგორებიცაა BYD და Xiaomi) მხრიდან არსებული მწვავე კონკურენცია გახდა.
განცხადების გავრცელების შემდეგ Mercedes-Benz-ის აქციები 4%-ზე მეტით დაეცა, ხოლო Volkswagen-ისა და BMW-ს აქციების ფასი დაახლოებით 2%-ით შემცირდა.