"რამხელა უსამართლობაა ჩვენს ქვეყანაში! ბიუჯეტის ფული საწყალი ხალხის მაგივრად, მდიდრებს ხმარდება. აი, ისეთებს, ფერარით რომ დადიან" - რას წერს ცისნამი საყვარლიშვილი

ამერიკაში მცხოვრები მწერალი, ცისნამი საყვარლიშვილი "გამომყევი აჭარაში“ კონკურსს ეხმაურება.

• ცნობისთვის, სარეკლამო კამპანიის, "გამომყევი აჭარაში“, გამარჯვებული გახდა ვლოგერი გუგა გიორგობიანი. 2026 წლის კონკურსში, რომელიც აჭარის ტურიზმისა და კურორტების დეპარტამენტმა მეოთხედ გამოაცხადა, ოთხი ადგილისთვის საპრიზო ფონდი 300 000 ლარი იყო.

  გუგა გიორგობიანი, რომლის ვიდეოებმაც 162 მილიონ ნახვაზე მეტი დააგროვა, ბიუჯეტიდან ჯილდოდ მიიღებს 150 000 ლარს.

"რამხელა უსამართლობაა ჩვენს ქვეყანაში! ისევ ფულიანი მამების შვილებს ამარჯვებინებენ კონკურსებში და ბიუჯეტის ფული, იმის მაგივრად, რომ საწყალ ხალხს მოხმარდეს, მდიდარ ხალხს ხმარდება. აი, ისეთებს, ფერარით რომ დადიან!

დღეს ერთი ვიდეო შემხვდა ფეისბუქზე. პატარა ბიჭი დედის საფლავს წმენდდა ტილოთი და თან ჰყვებოდა, სახლში საჭმელი არ გვაქვს ორი დღეაო. ამ ფაქტმა ძალიან იმოქმედა ჩემზე. უზომოდ შევწუხდი და მაგრად შემრცხვა, ჩემი წარსულში აქ გაზიარებული პოსტების.ამ სოციალური ქსელებით თითქოს სიმდიდრეს და ფუფუნებას ვუწევთ რეკლამას და გვავიწყდება, რომ ყველა მასე არ ცხოვრობს, ყველას არ აქვს ფული, რესტორანში ივახშმოს. რაც კი საჭმლის ფოტოები მედო აქ, ყველაფერი ყელში გამეჩხირა. რა საჭიროა ყველაფრის გამოფენა, როცა ბავშვებს საჭმელი ენატრებათ.

უზომოდ შემრცხვა და იმედია, იმ ბიჭსაც შერცხვება ბიუჯეტიდან ამხელა ფულის აღება, როცა ნახევარი საქართველო მშიერია! მე ბიუჯეტის ფულს არ ვჭამ, მაგრამ მაინც სინდისი ამიქოთდა, როცა პატარა ბიჭუნას პური ენატრება და მე აქ კი რაღაც სისულელეებს ვამარიაჟებდი! გული ამერია ჩემს საქციელზე! მადლობა უფალს, რომ თვალები ამიხილა!“ცისნამი, გულწრფელად გეტყვი, სულ სხვანაირი წარმოდგენა მქონდა შენზე, თუმცა ამ პოსტმა ჩემი დამოკიდებულება შეცვალა.პირველ რიგში, ბავშვის მდგომარეობა ნამდვილად გულსატკენია. არც ერთ ბავშვს არ უნდა უწევდეს შიმშილი და ჩვენი საზოგადოების ვალია, ასეთ ოჯახებს დავეხმაროთ.

მაგრამ მიჭირს იმის გაგება, რატომ უნდა დაუკავშირდეს ერთი ბავშვის გაჭირვება გუგა გიორგობიანის გამარჯვების გაკრიტიკებას ან რატომ უნდა შერცხვეს ადამიანს კონკურსში მიღებული ჯილდოს გამო. გუგამ მონაწილეობა მიიღო კონკურსში, შექმნა კონტენტი, იშრომა, მიაღწია შედეგს და კონკურსის წესების შესაბამისად გაიმარჯვა.

ის, რომ მისი ოჯახი შეძლებულია, მის მიღწევას ავტომატურად არ აუფასურებს. კონკურსში მონაწილეობა მხოლოდ იმ ადამიანების უფლება არ არის, ვისაც ფინანსურად უჭირს.ასევე, არ მესმის არგუმენტი, თითქოს გუგას, როგორც შეძლებული ოჯახის შვილს, კონკურსში მონაწილეობა არ უნდა მიეღო. მაშინ სად გადის ზღვარი? ადამიანს წარმატების მიღწევისა და საკუთარი შესაძლებლობების წარმოჩენის უფლება მხოლოდ იმიტომ უნდა შევუზღუდოთ, რომ ფინანსურად უზრუნველყოფილია?ცისნამი, შენც არაერთხელ გინახავს საკუთარი თავი ძვირადღირებული ბრენდების სამოსში - იქნება ეს Louis Vuitton, Gucci თუ სხვა ცნობილი ბრენდები.

ამაში ცუდი არაფერია. ყველას აქვს უფლება, საკუთარი შესაძლებლობების შესაბამისად იცხოვროს, ჩაიცვას და ისიამოვნოს ცხოვრებით. მაგრამ მაშინ რატომ უნდა გავკიცხოთ სხვა ადამიანი იმის გამო, რომ წარმატებას მიაღწია და კონკურსში პრიზი მოიგო?თუ ბავშვის შიმშილი ასე გვტკივა, მოდი, ეს გულისტკივილი რეალურ დახმარებად ვაქციოთ. მხოლოდ პოსტის დაწერითა და სხვისი წარმატების გაკრიტიკებით პრობლემა ვერ მოგვარდება. ვისაც დახმარების შესაძლებლობა გვაქვს, შეგვიძლია კონკრეტულ ოჯახებს დავეხმაროთ, ბავშვებს საკვები და საჭირო ნივთები მივაწოდოთ.გუგა კი, როგორც ცნობილია, ამ პროექტამდეც არაერთხელ ყოფილა ჩართული კეთილ საქმეებში.

იმედი მაქვს, ასეც გააგრძელებს და კიდევ ბევრ ადამიანს გაუწვდის დახმარების ხელს. შეგვიძლია ერთდროულად გავიხაროთ გუგას გამარჯვებით და თან გულთან ახლოს მივიტანოთ იმ ბავშვების მდგომარეობა, რომლებსაც დახმარება სჭირდებათ. ეს ორი რამ ერთმანეთს არ გამორიცხავს. ცისნამი, ამ პოსტმა ნამდვილად შეცვალა ჩემი დამოკიდებულება შენ მიმართ. ეს ჩემი პირადი აზრია და ყველას აქვს უფლება, განსხვავებული შეხედულება ჰქონდეს, თუმცა მიმაჩნია, რომ სამართლიანობა ყველას მიმართ თანაბარი უნდა იყოს.მოდი, სხვისი წარმატების განსჯის ნაცვლად, იმ ბავშვებს დავეხმაროთ, რომლებსაც დღეს ჩვენი თანადგომა ყველაზე მეტად სჭირდებათ" - წერს ცისნამი საყვარლიშვილი.