სეისმური შოკი ვაშინგტონში - დემოკრატებმა აშშ-ის კონგრესსა და სენატზე კონტროლი მოიპოვეს: რას აცხადებს ტრამპი?
აშშ-ის 2026 წლის შუალედურ არჩევნებში დემოკრატიულმა პარტიამ სენატსა და წარმომადგენელთა პალატაში უმრავლესობა მოიპოვა და კონგრესზე სრული კონტროლი დაამყარა. ტრამპის მხარდამჭერ შტატებში დემოკრატების გამარჯვებამ ამერიკულ პოლიტიკაში “სეისმური შოკი“ გამოიწვია.
გთავაზობთ BBC-ის ანალიზს ისტორიული არჩევნების შოკისმომგვრელი შედეგებისა და რესპუბლიკელების შიდა კრიზისის შესახებ.
2026 წლის შუალედური არჩევნების შედეგებით, დემოკრატიულმა პარტიამ სენატში 51 ადგილი მოიპოვა (6 ადგილის მომატებით), ხოლო წარმომადგენელთა პალატაში სულ მცირე 229 მანდატი დაისაკუთრა.
დემოკრატებმა ისეთ ტრადიციულად რესპუბლიკურ შტატებში გაიმარჯვეს, როგორებიცაა ტეხასი, კანზასი, ოჰაიო და სამხრეთ კაროლინა.
-
რეკორდები, რომლებიც 1932 წლის შემდეგ არ დაფიქსირებულა
დემოკრატების გამარჯვებამ რამდენიმე ისტორიული რეკორდი მოხსნა:
- კანზასში დემოკრატმა სენატორის სკამი 1932 წლის შემდეგ - დიდი დეპრესიისა და ფრანკლინ რუზველტის პრეზიდენტობის დროიდან პირველად მოიპოვა.
- ტეხასის გუბერნატორად ჯინა ჰინოხოსა აირჩიეს, რაც დემოკრატებისთვის პირველი გამარჯვებაა 1990-იანი წლების დასაწყისის შემდეგ.
- სამხრეთ კაროლინაში დემოკრატმა სენატის არჩევნები 1998 წლის შემდეგ პირველად მოიგო.
- აიოვაში ყოფილმა პარალიმპიელმა ჯოშ ტურეკმა რესპუბლიკელი ჯონი ერნსტის სკამი დაიკავა და ენშლი ჰინსონი დაამარცხა, რომელსაც არჩევნებამდე ორი დღით ადრე თავად ტრამპმა გაუწია რეკლამირება.
არჩევნების შედეგების გამოცხადების შემდეგ, დონალდ ტრამპმა სოციალურ ქსელში დაწერა: “მე საარჩევნო ბიულეტენში არ ვიყავი, რომ ვყოფილიყავი, დამაჯერებელი გამარჯვებით მოვიგებდით!“.
მოგვიანებით New York Times-თან ინტერვიუში ტრამპმა განაცხადა, რომ აბსოლუტურად მზად არის არჩევნების შედეგების მისაღებად და ოპოზიციურ პარტიასთან თანამშრომლობისთვის.
თუმცა, რესპუბლიკური პარტიის შიგნით უკმაყოფილება პიკს აღწევს. ტეხასელმა რესპუბლიკელმა ლობისტმა ბილ მილერმა აღნიშნა: “ეს მის ბრალია და არავისი სხვისი. ეს არის პრეზიდენტ ტრამპის სრული, აბსოლუტური უარყოფა“.