მეტროსადგურ "სარაჯიშვილზე“ მგზავრთა მომსახურება განახლდა
მეტროსადგურ "სარაჯიშვილზე“ მგზავრთა მიღება განახლდა. თბილისის სატრანსპორტო კომპანიის ინფორმაციით, მეტროსადგურ "სარაჯიშვილის“ ესკალატორზე არსებული დაზიანება შეკეთდა და სადგურმა მგზავრთა მომსახურება განაახლა.
"შეგახსენებთ, რომ ტექნიკური ხარვეზის გამო მეტროსადგურ "სარაჯიშვილზე“ დროებით შეჩერდა მგზავრთა მიღება. აღნიშნულ პერიოდში თბილისის მეტროპოლიტენის დანარჩენი სადგურები ჩვეულ რეჟიმში მუშაობდა.
თბილისის სატრანსპორტო კომპანია ბოდიშს გიხდით შექმნილი დისკომფორტის გამო და მადლობას გიხდით გაგებისთვის“,- აღნიშნულია ინფორმაციაში.