"ფეხით მივდიოდით, უცებ მანქანა გაჩერდა და სროლა დაიწყო..." - რას ჰყვება ძმებ უსუფოვებზე თავდასხმას გადარჩენილი ძმა და რა განიხილება დანაშაულის სავარაუდო მოტივად?

საგარეჯოს მუნიციპალიტეტის სოფელ ლამბალოში მომხდარ მკვლელობაზე ახალი დეტალები ხდება ცნობილი. კერძოდ, “ინტერპრესნიუსთან” მომხდარი, სამი ძმიდან იმ ერთადერთმა ძმამ გაიხსენა, რომელიც შემთხვევას გადაურჩა.

• ელმან უსუფოვი ჰყვება, რომ დაახლოებით საღამოს 17:00 საათისთვის ორ ძმასთან და კლასელთან ერთად ფეხით გადაადგილდებოდა, რა დროსაც მანქანა გაჩერდა და მათი მისამართით სროლა დაიწყო. უსუფოვი იხსენებს, რომ სროლის დროს თავად მანქანას მოეფარა, მის ძმებს კი რამდენჯერმე დამიზნებით ესროლეს და ადგილზე მოკლეს”.

“4 ვიყავით - სამი ძმა და მეზობელი. უცებ მანქანა გაჩერდა და სროლა დაიწყო. ბევრჯერ ისროლა. არაფერი მომხდარა წარსულში, კონფლიქტი არ გვქონია. ჩემი ძმები ადგილზე გარდაიცვალნენ. პოლიციამ უკვე გამომკითხა”, - განაცხადა ელმან უსუფოვმა.

მას მთავარ კითხვაზე, თუ რა გახდა მკვლელობის მიზეზი, ზუსტი პასუხი არ აქვს. განიხილება ერთადერთი ვერსია,რომელიც რამდენიმე წლის წინ წინ მომხდარ ამბავს უკავშირდება.

მოკლულების ნათესავები ჰყვებიან, რომ სავარაუდო მკვლელის ძმამ - უსუფოვების დისშვილი მოიტაცა, მათ კი გოგო უკან დააბრუნეს, რის შემდეგაც ის ქვეყნიდან წავიდა და გარდაიცვალა.

ბრალდებული პოლიციამ ცხელ კვალზე დააკავა. მიმდინარეობს გამოძიება.

განახლება:

• ძმების მკვლელობის ფაქტზე ერთი პირი დააკავეს - საგარეჯოში მომხდარ დანაშაულზე შსს განცხადებას აქვეყნებს