საქონლის ხორცი საახალწლოდ კიდევ გაძვირდება - ფასების ზრდას თებერვალშიც ელიან
2026 წლის ოქტომბერში, გასული წლის იმავე პერიოდთან შედარებით, საქართველოში საქონლის ხორცი 16.5%-ით გაძვირდა - ამის შესახებ ირკვევა სტატისტიკის ეროვნული სამსახურის ანგარიშიდან.
- აღსანიშნავია, რომ დარგის ექსპერტები ფასების ზრდას კვლავაც ელიან. როგორც "ბიზნესპრესნიუსთან“ საუბრისას "აგროქიზიყის“ დამფუძნებელი ბექა გონაშვილი აცხადებს, პროდუქტზე ფასები საახალწლოდ კიდევ მოიმატებს, გაძვირებაა მოსალოდნელი თებერვალშიც.
ამ ფონზე "ბიზნესპრესნიუსი“ დაინტერესდა, სად და რამდენად ყიდულობს საქართველო გაყინულ და ახალ საქონლის ხორცს.
"საქსტატის“ მონაცემები აჩვენებს, რომ გაყინული ძროხის ხორცის იმპორტი 2026 წლის იანვარ-სექტემბერში წლიურად 19.3%-ით გაიზარდა. კერძოდ, წელს საანგარიშო პერიოდში ქვეყანაში იმპორტირებულია 21.664 მლნ დოლარის ღირებულების 4 603 ტონა გაყინული ხორცი, შარშან პირველ 9 თვეში კი 18.162 მლნ დოლარის ღირებულების 3 698 ტონა.
აღსანიშნავია, რომ წელს გაყინული საქონლის ხორცის იმპორტი 4%-ით გაიაფდა. უფრო დეტალურად, შარშან 1 კგ-ის იმპორტი გადასახადების გარეშე საშუალოდ 4.9 დოლარი ჯდებოდა, წელს კი ფასი 4.7 დოლარამდეა შემცირებული.
რაც შეეხება სავაჭრო ბაზრებს, გაყინული საქონლის ხორცის იმპორტში 67.6%-იანი წილით ბრაზილია ლიდერობდა.
უფრო კონკრეტულად, 2026 წლის იანვარ-სექტემბერში 5 მთავარი ქვეყანა, საიდანაც საქართველოში გაყინული ხორცი შემოვიდა, ასე გამოიყურებოდა: განაგრძეთ კითხვა