"გვიან არასოდეს არის" - ქალი, რომელმაც სირბილი 60 წლისამ დაიწყო, 91 წლის ასაკში კი მსოფლიო რეკორდებს ამყარებს: ფლორენს მაილერის შთამაგონებელი ამბავი

ფლორენს მაილერი სარბენ ბილიკზე პირველად 30 წლის წინ, 60 წლის ასაკში დადგა. ამ ნაბიჯისთვის ის საუკეთესო მეგობარს, ბარბარა ჯორდანს უმადლის. მეგობრები ერთად 20 წელი ვარჯიშობდნენ, შეჯიბრებებში მონაწილეობდნენ და მსოფლიო რეკორდებსაც ერთობლივად ამყარებდნენ.

• თუმცა, 10 წლის წინ მათი სპორტული პარტნიორობა მოულოდნელად დასრულდა. ბარბარას კიბოს დიაგნოზი დაუსვეს და საყვარელი საქმიანობისთვის თავის დანებება მოუწია. ხუთწლიანი ავადმყოფობის შემდეგ კი, 85 წლის ასაკში, ის გარდაიცვალა.

დღეს 91 წლის ფლორენსი კვლავ აქტიურად ვარჯიშობს და თავის ასაკობრივ კატეგორიაში მსოფლიო რეკორდებს ამყარებს. სპორტული კარიერის დაწყებიდან 31 წლის შემდეგაც ის არ კარგავს მოტივაციას და ხშირად იხსენებს მეგობარს, რომელთან ერთადაც სპორტის სიყვარული აღმოაჩინა.

"ძალიან მენატრება. ერთად ვარჯიში შესანიშნავი იყო, რადგან ერთმანეთის საუკეთესო კრიტიკოსები ვიყავით“, - იხსენებს კანადელი ათლეტი გარდაცვლილ მეგობარს გამოცემა Aging Untold-თან საუბრისას.

<blockquote class="tiktok-embed" cite="https://www.tiktok.com/@winningherway/video/7395350479657635115" data-video-id="7395350479657635115" style="max-width: 605px;min-width: 325px;" > <section> <a target="_blank" title="@winningherway" href="https://www.tiktok.com/@winningherway?refer=embed">@winningherway</a> She’s 90‼️‼️ <a title="winningherway" target="_blank" href="https://www.tiktok.com/tag/winningherway?refer=embed">#WinningHerWay</a> <a title="womenssports" target="_blank" href="https://www.tiktok.com/tag/womenssports?refer=embed">#WomensSports</a> <a title="femaleathletes" target="_blank" href="https://www.tiktok.com/tag/femaleathletes?refer=embed">#FemaleAthletes</a> <a target="_blank" title="♬ original sound - WinningHerWay" href="https://www.tiktok.com/music/original-sound-7395350448133180202?refer=embed">♬ original sound - WinningHerWay</a> </section> </blockquote> <script async src="https://www.tiktok.com/embed.js"></script>

"ჩემთვის მარტო ვარჯიში ნამდვილი გამოწვევაა. მართლაც რთულია, მაგრამ მიზანდასახული ვარ, ვფიქრობ ბარბარაზე და ვიცი, რომ ეს მისთვის და ვერმონტის შტატისთვის უნდა გავაკეთო".

ამ შეუპოვრობამ ქალს საშუალება მისცა, 90–94 წლის ასაკობრივ კატეგორიაში რამდენიმე მსოფლიო რეკორდი დაემყარებინა. World Masters Athletics-ის მონაცემებით, მეილერი ფლობს მსოფლიო რეკორდებს შემდეგ დისციპლინებში:

• 2000 მეტრზე დაბრკოლებებით რბენა (20:54.78),
• 80 მეტრზე ბარიერული რბენა (34.55),
• ჭოკით ხტომა (1.30),
• სიმაღლეზე ხტომა (0.92),
• სამმაგი ხტომა (4.55)
• ხუთჭიდი (2218).

"გულს მითბობს ის ფაქტი, რომ არაერთმა სპორტსმენმა მომმართა სიტყვებით: "თქვენ ჩემთვის ნამდვილი შთაგონების წყარო ხართ", ეს მართლაც მშვენიერი გრძნობაა" - განუცხადა მან გამოცემა "Aging Untold"-ს.

რაც შეეხება მის დევიზს, მაილერმა Olympic Channel-ს გაუმხილა, რომ ის სამი მარტივი სიტყვისგან შედგება: "არასდროს არის გვიანი".

წყარო: people.com

მოამზადა: ანა სიბოშვილმა