ცხოველების და მწერების ყველაზე მტკივნეული ნაკბენები, რომელიც შესაძლოა ადამიანმა განიცადოს

ბუნებაში არსებობს მრავალი არსება, რომელთა თავდაცვის მექანიზმი ადამიანში უდიდეს ფიზიკურ ტკივილს იწვევს. მწერების ნაკბენებისა და ნესტრების შესადარებლად ცნობილმა ამერიკელმა ენტომოლოგმა, დოქტორ ჯასტინ შმიდტმა, შექმნა ე.წ. შმიდტის ტკივილის ინდექსი, რომელიც მტკივნეულობას 0-დან 4-მდე აფასებს.

წარმოგიდგენთ მსოფლიოში ყველაზე მტკივნეული ნაკბენებისა და ნესტრების რეიტინგს, სადაც ტკივილი არა უბრალოდ ჩხვლეტა, არამედ ნამდვილი “კოსმოსური კოშმარია“.

• 1. ტყვიის ჭიანჭველა

ტკივილის ინდექსი: 4.0+ (უმაღლესი მაჩვენებელი)

ტყვიის ჭიანჭველა გვხვდება ცენტრალური და სამხრეთ ამერიკის ტროპიკული ტყეებში. ეს ჭიანჭველა რეიტინგის უდავო ლიდერია. სახელიც სწორედ იმის გამო მიიღო, რომ მისი ნაკბენის ტკივილი ცეცხლსასროლი იარაღიდან გასროლას უტოლდება.

დოქტორი შმიდტი მის ნაკბენს აღწერს, როგორც: “სუფთა, ინტენსიურ, ბრწყინვალე ტკივილს. ჰგავს ნახშირზე ფეხის დადგმას, როცა ქუსლში 3-დიუიმიანი ჟანგიანი ლურსმანი გაქვთ გაჭედილი“.

ტკივილი გრძელდება შეუსვენებლად 12-დან 24 საათამდე. ადგილობრივ ტროპიკულ ტომებში არსებობს მამაკაცობის ინიციაციის რიტუალი, სადაც ახალგაზრდები ამ ჭიანჭველებით სავსე ხელთათმანებს იკეთებენ.

• 2. ტარანტულზე მონადირე კრაზანა

ტკივილის ინდექსი: 4.0

კრაზანა გვხვდება ამერიკის შეერთებული შტატების სამხრეთით, მექსიკის, ცენტრალურ და სამხრეთ ამერიკაში. ეს უზარმაზარი, კაშკაშა ფრთიანი კრაზანა ნადირობს ტარანტულებზე (აქედან მომდინარეობს მისი სახელიც). მისი ნესტარი თითქმის 7 მილიმეტრს აღწევს. მიუხედავად იმისა, რომ ტკივილი ხანმოკლეა (დაახლოებით 5 წუთი), ის იმდენად მწვავეა, რომ ადამიანი კარგავს აზროვნების უნარს.

შმიდტის შეფასებით: “ეს არის დარტყმა. გგონია, რომ მოქმედ ვულკანში ხარ ჩაჭედილი. მყისიერი, ელექტრული, გამანადგურებელი და დამაბრმავებელი ტკივილი“.

• 3. მეომარი კრაზანა

ტკივილის ინდექსი: 4.0

მეომარი კრაზანა გვხვდება ცენტრალურ და სამხრეთ ამერიკაში. ეს სოციალური კრაზანები აგრესიულობითა და უზარმაზარი გუნდური თავდასხმებით გამოირჩევიან.

მათი ნესტრის შესახებ შმიდტი წერს: “აფეთქებადი და ხანგრძლივი. კბენისას ისეთ ხმებს გამოსცემ, გეგონება გაგიჟდი. ისეთი შეგრძნებაა, თითქოს მთელ ხელზე მდუღარე ზეთი გესხმება“.

• 4. წითელი კრაზანა

ტკივილის ინდექსი: 3.0

წითელი კრაზანა გვხვდება ამერიკაში და ტროპიკულ რეგიონებში. მიუხედავად იმისა, რომ 3-იანი ნიშნული 4-იანზე დაბალია, ეს ნაკბენი მაინც კოშმარულია.

დოქტორი შმიდტი ამბობს: “მწველი და მჟავე, მომწარო გემოთი პირში. ჰგავს იმას, თითქოს ქაღალდით გაჭრილ კანზე განაკვეთზე მარილმჟავა დაგასხეს“.

• 5. მაროკოს მკის ჭიანჭველა

ტკივილის ინდექსი: 3.0

მაროკოს ჭიანჭველა გვხვდება აშშ-ის დასავლეთ შტატებში და მექსიკაში. მიუხედავად იმისა, რომ ერთი შეხედვით ჩვეულებრივი ჭიანჭველაა, მისი შხამი ყველაზე ტოქსიკურია მწერებს შორის (თაფლის ფუტკრის შხამზე 20-ჯერ ძლიერი).

ნაკბენი იწვევს მძიმე ანთებას და ნერვული დაბოლოებების გაღიზიანებას, რომელიც უწყვეტად გრძელდება 8 საათზე მეტი ხნის განმავლობაში.