სისხლიანი გარჩევა ვაკეში - მრგვალ ბაღთან 20-მდე ახალგაზრდა ერთმანეთს დაუპირისპირდა, დაჭრილია ერთი პირი: რა დეტალები ხდება ცნობილი? (ვიდეო)

არსებული ინფორმაციით, ვაკეში 20-მდე ადამიანი ერთმანეთს დაუპირისპირდა. დაჭრილია ერთი პირი, რომელიც კლინიკაშია გადაყვანილი.

შინაგან საქმეთა სამინისტროს განცხადებით, გამოძიება სისხლის სამართლის კოდექსის 120-ე მუხლით მიმდინარეობს, რაც ჯანმრთელობის განზრახ მსუბუქ დაზიანებას გულისხმობს. საგამოძიებო მოქმედებები მიმდინარეობს.

“ტვ პირველი“ მომხდარის შესახებ დეტალებს და კადრებს ავრცელებს. მათი ინფორმაციით, ჯგუფური ჩხუბი ვაკის ტერიტორიაზე, მრგვალ ბაღთან მოხდა.

• გავრცელებული ინფორმაციით, დაპირისპირების დროს დაჭრეს "ქართული ოცნების" ახალგაზრდული ფრთის წარმომდგენელი დაჩი ტვილდიანი. მას ჭრილობა ზურგის არეში ცივი იარაღით ჰქონდა მიყენებული.

"პირველების " ინფორმაციით, სტუდენტს ოპერაცია "ხეჩინაშვილის კლინიკაში" ჩაუტარდა, ის საავადმყოფოდან რამდენიმე საათის წინ გაწერეს.

გავრცელებულ კადრებში ჩანს, რომ ხელჩართულ ჩხუბში 20-მდე პირი მონაწილეობდა.