სამხრეთ კორეის განათლების სამინისტროს განცხადებით, ეროვნულ მისაღებ გამოცდებზე ხელოვნური ინტელექტის (AI) მეშვეობით გადაწერის შემთხვევების მატების გამო გატარებული გადაუდებელი ზომების შედეგად, 111 აბიტურიენტი აკრძალული სმარტ-მოწყობილობებით გამოავლინეს.
გამოცდების დაწყებამდე ხელისუფლებამ გამოაცხადა “შპარგალკების“ წინააღმდეგ მიმართული სპეციალური ზომები, მათ შორის ქვეყნის ყველა მობილურ ტელეფონზე საგანგებო შეტყობინებების გაგზავნა საგამოცდო დარბაზებში აკრძალული მოწყობილობების გამოსავლენად.
პარასკევს სამხრეთ კორეის პრემიერ-მინისტრმა ლი ჯე მიუნგმა საგამოცდო სისტემის ძირეული რეფორმირება მოითხოვა და აღნიშნა, რომ ასეთ ტესტებში ხელოვნური ინტელექტის გამოყენებით გადაწერა სამართლიანობასა და ნდობას ურყევს ფუძეს. შეშფოთება მას შემდეგ გაიზარდა, რაც გავრცელდა ცნობები აბიტურიენტების მიერ AI მოწყობილობების გამოყენების შესახებ.

გასულ თვეს უნივერსიტეტის მისაღებ გამოცდებზე ორი აბიტურიენტი AI სათვალეების გამოყენებისას გამოავლინეს, ხოლო სამინისტროს ცნობით, წელს სკოლებში ასეთი სათვალით გადაწერის ოთხი შემთხვევა დაფიქსირდა.
პირველად ისტორიაში: კატასტროფების განგაშის სისტემა შპარგალკების წინააღმდეგ
ჰანის აღიარებამ ეროვნულ გამოცდებამდე რამდენიმე დღით ადრე ხელისუფლებას აიძულა ბოლო წუთს მიეღო საგანგებო ზომები გადაწერის აღსაკვეთად.
ხუთშაბათს, 08:00 საათიდან 15:00 საათამდე, ქვეყნის მასშტაბით სამი საგანგებო შეტყობინება გაიგზავნა, რამაც ტელეფონების ერთდროული ხმოვანი სიგნალი გამოიწვია იმ შემთხვევაშიც კი, თუ ისინი უხმო რეჟიმზე იყო ან ტურისტულ როუმინგში იმყოფებოდა. ეს იყო პირველი შემთხვევა, როდესაც სამხრეთ კორეამ ეროვნული კატასტროფების განგაშის სისტემა გამოცდებზე შპარგალკების გამოსავლენად გამოიყენა.
გარდა ამისა, აბიტურიენტებს დაევალათ პერანგებსა და პიჯაკებზე ღილები დაეფარათ, რათა ფარული კამერების ჩამონტაჟება აეცილებინათ, ხოლო სათვალეები სპეციალურ შემოწმებას დაექვემდებარა.