ავტორი:

"ვკითხე: "შეხვიდოდი მე რომ პრეზიდენტი ვყოფილიყავი?“ და მან მიპასუხა: "არა, ეს არასდროს მოხდებოდა“ - ტრამპი ამტკიცებს, რომ პუტინმა გამოხატა სურვილი, რომ ომი უკრაინასთან დიპლომატიური გზით დასრულდეს

"ვკითხე: "შეხვიდოდი მე რომ პრეზიდენტი ვყოფილიყავი?“ და მან მიპასუხა: "არა, ეს არასდროს მოხდებოდა“ - ტრამპი ამტკიცებს, რომ პუტინმა გამოხატა სურვილი, რომ ომი უკრაინასთან დიპლომატიური გზით დასრულდეს

პრეზიდენტმა პუტინმა ნათლად გამოხატა თავისი სურვილი, რომ რუსეთსა და უკრაინას შორის ომი დიპლომატიური გზით დასრულდეს, - ამის შესახებ აშშ-ის პრეზიდენტმა დონალდ ტრამპმა თეთრ სახლში გამართულ პრესკონფერენციაზე განაცხადა.

"ორმხრივი შეხვედრა გავმართე რუსეთის პრეზიდენტ ვლადიმერ პუტინთან, რომელმაც ნათლად გამოხატა თავისი სურვილი, რომ რუსეთსა და უკრაინას შორის ომი დიპლომატიური გზით დასრულდეს“, - განაცხადა ტრამპმა.

ტრამპის თქმით, ვლადიმერ პუტინმა უთხრა, რომ უკრაინაში ომი არ დაიწყებოდა, პრეზიდენტი ის რომ ყოფილიყო.

"არჩევნები რომ არ გაყალბებულიყო ეს არ მოხდებოდა. მე ვკითხე: "შეხვიდოდი თუ არა მე რომ პრეზიდენტი ვყოფილიყავი?“. მან მიპასუხა: "არა, ეს არასდროს მოხდებოდა“. ვფიქრობ, კარგი შანსი არსებობს, რომ ამის დასრულებას შევძლებთ“, - აღნიშნა აშშ-ის პრეზიდენტმა.