ბანკი "რესპუბლიკა" მიკრო და მცირე ბიზნესის მხარდაჭერას განაგრძობს
ბანკი "რესპუბლიკა" მიკრო და მცირე ბიზნესის მხარდაჭერას განაგრძობს და კრედიტებზე აქციას იწყებს.
როგორც ბანკში განმარტეს, ბიზნეს-კონსულტანტთან გასაუბრებისა და მარტივი საკრედიტო განაცხადის შევსების შემდეგ მომხმარებელი დროის უმცირეს მონაკვეთში შეძლებს ბიზნეს-კრედიტის მიღებას, ამასთან, 3%-ის შეღავათით. მათი თქმით, მობილური სერვისცენტრების მოსახერხებელი ადგილმდებარეობა ბანკ "რესპუბლიკის" ბიზნეს-კონსულტანტებს კლიენტის საქმიანობის ადგილის სწრაფად დათვალიერებისა და შეფასების საშუალებასაც მისცემს.
"ვფიქრობთ, ჩვენი სწრაფი, მოსახერხებელი და შეღავათიანი ბიზნეს-კრედიტები ჩვენი ბიზნეს-კლიენტების საქმიანობის განვითარებისთვის კარგი ბიძგი იქნება და ისინი ადრეული გაზაფხულიდან თამამად შეძლებენ საბრუნავი კაპიტალის, საქონლის ახალი პარტიისა თუ ნედლეულის შეძენას, რაც წლის დარჩენილ ნაწილში საქმიანობის წარმატებით გაგრძელების საწინდარია", - განმარტავენ ბანკში.
ბანკ "რესპუბლიკის" აქცია თბილისში უმსხვილესი სავაჭრო ცენტრებისა და სატრანსპორტო კვანძების ტერიტორიებზე მდებარე სერვის-ცენტრებში (ოქროს ბირჟა, ბავშვთა სამყარო, სავაჭრო ცენტრი "პასაჟი", "თბილისი ცენტრალი", მეტროს სადგურები: "ახმეტელი", "სამგორი", "ვარკეთილი" ) მოქმედებს.
მობილური სერვისცენტრები ასევე გაიხსნება საქართველოს სხვა ქალაქებში - რუსთავში (ე.წ. სტამბოლის ბაზრობა), თელავში, ყვარელში, წნორში, გორში, ზესტაფონში, ქუთაისში, სამტრედიაში, ფოთში, ზუგდიდში, ბათუმში და ეს პროცესი აპრილის ბოლომდე გაგრძელდება. იმ დაინტერესებულ ადამიანებს, ვისაც არ ექნება მობილურ სერვის-ცენტრებში მომსახურების მიღების საშუალება, შეუძლია ბანკ "რესპუბლიკის" ნებისმიერ ახლომდებარე ფილიალს ესტუმროს, აქციის პირობების შესახებ დეტალური ინფორმაცია მიიღოს და ბიზნეს-კლიენტთა სხვა დამატებითი უპირატესობებითაც ისარგებლოს.
რა? სად? რა ფასად?
გაიგეთ ”რადიო მარკეტში”
ყოველ სამუშაო დღეს 10:50 და 11:50 საათზე
რადიო ”პალიტრის” ეთერში - FM 103.9
საკონდიტრო კომპანია "აზატოს" ქსელი გაფართოვდა
სვანეთში ახალი პრემიუმ კლასის სასტუმრო გაიხსნება