"თბილისი ცენტრალში" განგაში ცრუ აღმოჩნდა

სავაჭრო ცენტრ "თბილისი ცენტრალში" დღევანდელი განგაში ცრუ აღმოჩნდა. როგორც "ინტერპრესნიუსს" შინაგან საქმეთა სამინისტროს ანალიტიკური დეპარტამენტის უფროსმა, შოთა უტიაშვილმა განუცხადა , "ცენტრალის" ტერიტორიაზე ჩანთა იყო დატოვებული, რამაც განგაში გამოიწვია, მოგვიანებით კი - ჩანთას პატრონი გამოუჩნდა.

მიტოვებული ჩანთის გამო, სავაჭრო ცენტრიდან დღეს დილით მოქალაქეთა ევაკუაცია განხორციელდა.

ადგილზე მობილიზებული იყვნენ პოლიციის თანამშრომლები და გამნაღმველები.

"ინტერპრესნიუსი"