თბილისთან ავარიას 3 ადამიანი ემსხვერპლა, 12 კი დაშავდა

ავტოსაგზაო შემთხვევას თბილისის შემოსასვლელთან 3 ადამიანის სიცოცხლე ემსხვერპლა, 12 კი დაშავდა. ამის შესახებ "ინტერპრესნიუსს" საგანგებო სიტუაციების თბილისის სამსახურის უფროსმა, თემურ გიორგაძემ განუცხადა.

ავარია დღეს, დაახლოებით 09:00 საათზე მოხდა. ერთმანეთს "ოპელის" მარკის ორი ავტომანქანა შეეჯახა. დაშავებულები საგარეჯოს ცენტრალურ საავადმყოფოსა და თბილისის მეხუთე სამკურნალო დაწესებულებაში გადაიყვანეს.

ავტოსაგზაო შემთხვევის მიზეზებს გამოძიება დაადგენს.

"ინტერპრესნიუსი"