კაიროს ქუჩაზე, ვარკეთილის ხიდებთან ერთ-ერთ საწყობში ხანძარია. ხანძრის ლიკვიდირება ამ დრომდე მიმდინარეობს.
როგორც "ინტერპრესნიუსს" თბილისის საგანგებო სიტუაციათა სამსახურში განუცხადეს, ცეცხლი მზესუმზირის შემნახველი საწყობის სახურავზე, 100 კვადრატულ მეტრზე გაჩნდა. ადგილზე 7 სახანძრო ბრიგადაა გასული.
როგორც საგანგებოში აცხადებენ, ცეცხლის ჩაქრობის შემდეგ დადგინდება თუ რამ გამოიწვია ხანძრის გაჩენა. დაშავებულების შესახებ ინფორმაცია ამ დროისთვის არ ვრცელდება.