"რუსთავი 2"-ის 40%-იანი წილის მფლობელი დავით კეზერაშვილი გახდა

ტელეკომპანია "რუსთავი 2"-ის 40%-იანი წილის მფლობელი შეზღუდული პასუხისმგებლობის საზოგადოება "მედია ჯორჯია" გახდა, რომლის დამფუძნებელი, 100%-იანი წილის მფლობელი დავით კეზერაშვილია. ამის შესახებ ინფორმაცია თავდაპირველად ჟურნალმა "ლიბერალმა" გაავრცელა.

საჯარო რეესტრის მონაცემებით ირკვევა, რომ "მედია ჯორჯიამ", რომელიც გუშინ, 3 ოქტომბერს დაფუძნდა, 40%-იანი წილი ლევან ყარამანიშვილისგან ნახევარ მილიონ დოლარად შეიძინა.

წილის მიყიდვის გადაწყვეტილება დღეს, პარტნიორთა კრებაზე მიიღეს.

"რუსთავი 2"-ის 50%-ს ლევან ყარამანიშვილი, 10%-ს - გიორგი გეგეშიძე და 40%-ს დავით კეზერაშვილი ფლობს.

"მედია ჯორჯიადან" ხელს წილის ნასყიდობის ხელშეკრულებას მყიდველი გიორგი ფრუიძე აწერს.

"ინტერპრესნიუსი"