მზია თოთლაძე - "იმედში" საკადრო პოლიტიკა შეიცვლება და ყველაფერი თავის ადგილს დაუბრუნდება

ტელეკომპანია "იმედში" აუცილებლად შეიცვლება საკადრო პოლიტიკა და ყველაფერი თავის ადგილს დაუბრუნდება, - ამის შესახებ ბადრი პატარკაციშვილის დამ, მზია თოთლაძემ განაცხადა, რომელიც ტელეკომპანია "იმედში" რამდენიმე წუთის წინ ინა გუდავაძესთან და ოჯახის სხვა წევრებთან ერთად მივიდა.

მისივე თქმით, "იმედი" იქნება ისეთივე, როგორიც იყო ადრე. "ყველაფერი შეიცვლება და უფრო დეტალურად გამოსვლის შემდეგ მოგცემთ კომენტარებს. საკადრო პოლიტიკა აუცილებლად შეიცვლება და ყველაფერი დაუბრუნდება თავის ადგილს, როგორიც იყო "იმედი" თავის დროზე", - განაცხადა თოთლაძემ.

ამასთან, მან საქართველოს მიულოცა "პირველ რიგში არჩევნების დემოკრატიულად ჩატარება, მეორე რიგში კი "იმედის" დაბრუნება".

მზია თოთლაძემ აღნიშნა, რომ "იმედის" დაბრუნება მოხდა შეთანხმების საფუძველზე.

იხილეთ ვიდეო

"ინტერპრესნიუსი"