ტელე და რადიო "იმედმა" საინფორმაციო მაუწყებლობა შეაჩერეს

ტელე და რადიო "იმედმა" საინფორმაციო მაუწყებლობა შეაჩერეს, - ამის შესახებ "ქრონიკის" 17:00 საათიანი გამოშვების დასაწყისში გახდა ცნობილი, რომელიც, წამყვანის ცნობით, დღევანდელი დღის ბოლო საინფორმაციო გამოშვებაა.

ტელეკომპანიის ინფორმაციით, გადაწყვეტილება "იმედის" ახალმა მენეჯმენტმა მიიღო.

არხის ეთერში გადაბარების პროცესის დასრულებამდე საინფორმაციო პროგრამები აღარ გავა.

"ტელე და რადიო "იმედი" პირდაპირი ეთერის რეჟიმს უახლოეს მომავალში დაუბრუნდება, მას შემდეგ რაც გადაბარების პროცესი დასრულდება", - აცხადებენ ტელეკომპანიაში.

"იმედში" დღეს ბადრი პატარკაციშვილის ოჯახის წევრები იმყოფებოდნენ. მათ შეხვედრა გამართეს არხის ყოფილ მმართველ გიორგი არველაძესა და ტელეკომპანიის თანამშრომლებთან. პატარკაციშვილის ოჯახისთვის "იმედის" დაბრუნების პროცესი უკვე დაიწყო. ტელეკომპანია ამ დროისთვის ძველი ლოგოთი მაუწყებლობს.

იხილეთ ვიდეო

"ინტერპრესნიუსი"