ნდობის რეიტინგში "კვირის პალიტრა" ლიდერობს

საერთაშორისო რესპუბლიკური ინსტიტუტის (IRI) კვლევის შედეგების მიხედვით, გამოკითხულთა უმრავლესობა ყველაზე მეტად გაზეთ "კვირის პალიტრას" ენდობა.

კითხვაზე - რომელი ქართული გაზეთის ახალ ამბებს და პოლიტიკურ ინფორმაციებს ენდობით ყველაზე მეტად? - გამოკითხულთა 15% სანდოობის მხრივ, "კვირის პალიტრას" პირველ პრიორიტეტად ასახელებს, ხოლო გამოკითხულთა 18% - მეორე პრიორიტეტად. გაზეთ "ასავალ-დასავალს" პირველ პრიორიტეტად ასახელებს გამოკითხულთა 6%, ხოლო მეორე პრიორიტეტად - 10%;

კვლევის მიხედვით, დანარჩენი გაზეთების მიმართ მოსახლეობის ნდობის ხარისხი ასე გადანაწილდა.

გაზეთ "ალიას" პირველ პრიორიტეტად გამოკითხულთა 2% ასახელებს, ხოლო მეორე პრიორიტეტად - 3%;

"რეზონანსი" - პირველი პრიორიტეტი- 1%; მეორე პრიორიტეტი - 2%

"ქრონიკა" - პირველი პრიორიტეტი - 0,6%, მეორე პრიორიტეტი - 2%;

"ახალი თაობა" - პირველი პრიორიტეტი - 0,5%, მეორე პრიორიტეტი -1%;

სხვა - პირველი პრიორიტეტი- 2%, მეორე პრიორიტეტი - 3%;

არც ერთი - პირველი და მეორე პრიორიტეტი 73%-ს შეადგენს.

IRI-მ საქართველოში მორიგი კვლევა 9-21 ნოემბერს ჩაატარა. კვლევის ფარგლებში, საქართველოს მასშტაბით, საარჩევნო ასაკის 1500 ადამიანი პირდაპირი ინტერვიუს გზით გამოიკითხა.