რას გირჩევენ ასტროლოგები მომავალი წლისთვის?

აზრთა სხვადასხვაობის მიუხედავად, ადამიანის წარმატება-წარუმატებლობაზე პლანეტების ურთიერთქმედების როლს ვერავინ გამორიცხავს. როგორი იქნება 2013 წელი ზოდიაქოს ცალკეული ნიშნებისთვის და რას უნდა ველოდოთ გველის წელიწადისგან? თქვენს კითხვებს ასტროლოგი რამაზ გიგაური პასუხობს.

გამოგზავნილი შეკითხვები:

მაიკო დონდუა: ვარ გველის წელში დაბადებული ღრიანკალი. როგორი იქნება ჩემთთვის მომავალი წელი? საერთოდ, რამდენად წარმატებული ეს წელი ღრიანკალისთვის?

2013 წელს წარმატების მომტანი პლატა იუპიტერი იმოძრავებს ტყუპის ზოდიაქოში, მაგრამ წლის მეორე ნახევარში გადავა კირჩხიბის ზოდიაქოში, აქედან გამომდინარე, მორიელებისთვის იქნება სასიკეთო შედარებით. შეიძლება ვთქვათ, რომ წლის პირველ ნახევარში მორიელებს(ღრიანკლებს) მეტ- ნაკლებად გაუჭირდებათ, მაგრამ წლის მეორე ნახევარში ისინი დაძლევენ ყველა წინაღობას და წარმატებას მიაღწევენ.

ნათია ენუქიძე: როგორი იქნება ეს წელი ტყუპებისთვის ბიზნესსაქმიანობის კუთხით?

საინტერესო იქნება განსაკუთრებით ტყუპებისთვის წლის პირველი ნახევარი, რადგან მათ უნდა შეძლონ საკუთარი ძალიან დადებითი თვისების გამოვლენა - ეს არის კომუნიკაბელურობის და ურთიერთობების აწყობის უნარის გაძლიერება. ამ მიმართულებით ისინი მიაღწევენ წარმატებას. ისინი არ უნდა დაელოდონ მოვლენებს და არ უნდა იყვნენ სტატისტის როლში. მათ უნდა აიღონ საკუთარ თავზე ინიციატივა, ლიდერის თვისებები გამოავლინონ და რაც მთავარია, მათ უნდა ისწავლონ დაწყებული საქმეების დასრულება.

რატი კაჭარავა: ვარ ლომი, მომავალ წელს ვაპირებ თხის რქაზე დაქორწინებას. იქნებ მითხრათ, როგორ ეთვისება ეს ორი ნიშანი ერთმანეთს და ხელსაყრელი იქნება თუ არა გველის წელი თანაცხოვრების დასაწყებად?

ამ შემთხვევაში ლომი და მშვილდოსანი მეტ ნაკლებად ერთმანეთს შეესაბამება, განსაკუთრებით თუ ამ ლომს აქვს პირად ჰოროსკოპში ქალწულის ზოდიაქოს გავლენა და თუ ეს ლომი არის პრაქტიკული, მომთმენი. ლომმა უნდა იცოდეს, რომ თხის რქა არის მიწის ნიშანი და ლომის ცეცხლოვანებას ვერ აჰყვება ტემპში, ამიტომ მან უნდა გაუგოს თხის რქას. განსაკუთრებით თუ თხის რქა ქალია. თხის რქა არის მშვენიერი მეუღლე, მშვენიერი დიასახლისი

თამაზ ბერიშვილი: ძალიან მაინტერესებს, როგორი იქნება გველის წელი მიხეილ სააკაშვილისა და ბიძინა ივანიშვილისთვის? რა ტენდენციებს უნდა ველოდოთ პოლიტიკურ ცხოვრებაში?

წლის პირველი ნახევარი შედარებით პოზიტიური იქნება ბიძინა ივანიშვილისთვის, რადგან იუპიტერი ტყუპის ზოდიაქოში იმოძრავებს. ბიძინა ივანიშვილი მერწყულია და ამიტომ წლის დასაწყისი შედარებით სასიკეთო იქნება მისთვის. ეს პერიოდი შედარებით ნეგატიური იქნება მიხეილ სააკაშვილისთვის, თუმცა გააჩნია კონკრეტულად  რა ნაბიჯებს გადადგამს. მიუხედავად ამისა, წარმატება მაინც ბიძინა ივანიშვილის მხარეზე იქნება. მე ეს გასულ წელსაც განვაცხადე, როდესაც ივანიშვილი პოლიტიკურ ასპარეზზე გამოჩნდა. მერწყული მშვილდოსნისგან განსხვავებით საკმაოდ რაციონალურია და აუჩქარებელ ნაბიჯებს დგამს. მშვილდოსანი კი აქტიური, ენერგიული, იმპულსურია და საკუთარი წინდაუხედაობის გამო უამრავ შეცდომას უშვებს, რაც მიხეილ სააკაშვილის მაგალითზე ძალიან კარგად ჩანს.

ოთარ ბერიძე: ბოლო დროს მიწისძვრები გახშირდა. ასტროლოგიური კალენდრით თუ შეიძლება განსაზღვრა, გველის წელი როგორი ბუნებრივი კატაკლიზმების კუთხით.

ასტროლოგიურად შესაძლებელია რაღაც ალბათობის მიღწევა და იტალიაში მუშაობდნენ კიდეც ამ მიმართულებით, რამდენიმე მიწისძვრის ალბათობაც განისაზღვრა, მაგრამ ვერ განისაზღვრა სხვა მიწისძვრების ალბათობა, ამიტომ ამ ინსტრუმენტს ვერ დავეყრდნობით. ჯერ-ჯერობით ადამიანი ბუნებრივ კატაკლიზმებთან მიმართებაში ძალიან სუსტია.

ირა ვაჩეიშვილი: მამლის წელში დაბადებული სასწორისთვის ჯანმრთელობის თვალსაზრისით, როგორი იქნება გველის წელი?

წლის პირველი ნახევარი შედარებით მშვიდობიანი იქნება, წლის მეორე ნახევარში უნდა გაუფრთხილდნენ თირკმელებს, განსაკუთრებით მამაკაცები, რომელთაც ალკოჰოლის ჭარბად მიღება უყვართ. სასწორებს, განსაკუთრებით ქალებს ძალიან უყვართ გემრიელი სასუსნავები, რის შედეგადაც ფორმებს იცვლიან, ამიტომ ვურჩევ სპორტს და ჰაერზე სეირნიობას, რაც ძალიან მნიშვნელოვანია სასწორებისთვის.

ნინო ბრეგვაძე: ცხენის წელში (1990) დაბადებული მორიელი ვარ და მაინტერესებს, როგორი იქნება ეს წელი ჩემთვის კარიერული წინსვლის მხრივ.

მორიელი ერთ-ერთი ძალიან ძლიერი ნიშანია, თუ ყველაზე ძლიერი არა. ისინი ხშირად საკუთარ ემოციებს ისეთ რამეზე ხარჯავენ, რაც არ ითხოვს ძლიერ ემოციურ გამოვლინებებს, ამიტომ შინაგანი კონცენტრაცია უნდა მოახდინონ, რაც მორიელს ძალიან იოლად გამოსდით. მთელი თავისი რესურსები და ძალები იმ კონკრეტული მიზნისკენ, ამ შემთხვევაში კარიერისკენ უნდა მიმართონ წლის პირველ ნახევარში. ხოლო თუ ისინი შეძლებენ კონკრეტული ნაბიჯების გადადგმას, მაშინ წლის მეორე ნახევარში არათუ გაუმართლებთ, დასახულ მიზნებსაც მიაღწევენ.

იხილეთ ვიდეო