თინა კანდელაკს გადაცემა დაუხურეს
რუსეთში მოღვაწე ქართველ ჟურნალისტს, თინა კანდელაკს გადაცემა "ყველაზე ჭკვიანი" დაუხურეს. ამის შესახებ თინამ საკუთარ ბლოგზე დაწერა.
"ტელეარხ СТС-ის ხელმძღვანელობამ "ყველაზე ჭკვიანის" დახურვის გადაწყვეტილება მიიღო, რის შესახებაც მე და ჩემს კოლეგებს ოფიციალური წერილით გვაცნობეს. СТС-თან თანამშრომლობა დასრულდა, ჩვენ ჰოლდინგისთვის არანაირ პროექტს აღარ ვაწარმოებთ", - წერს კანდელაკი.
თინა კანდელაკს გადაცემა "ყველაზე ჭკვიანი" ათი წლის განმავლობაში მიჰყავდა. კანდელაკის თქმით, თამაშს საკმაოდ მაღალი რეიტინგი ჰქონდა და მასზე მაღალი მოთხოვნა იყო. მისივე განცხადებით, პროექტის გადარჩენა სპონსორების ხარჯზე იყო შესაძლებელი.
"Microsoft-ის და Intel-ის რუსულმა წარმომადგენლობამ "ყველაზე ჭკვიანს" ფინანსური მხარდაჭერა შესთავაზეს და წინადადებით СТС-ს მიმართეს", - წერს კანდელაკი.
ჟურნალისტის თქმით, გდაცემის დახურვა მას არაორდინალურ გადაწყვეტილებად არ ეჩვენება: "ყველაფერი იცვლება, მათ შორის СТС-ის საეთერო პოლიტიკაც" - აცხადებს ტელეწამყვანი.
მომზადებულია tikandelaki.livejournal.com-ის მიხედვით.
ასევე იხილეთ: "საქართველო სააკაშვილი არ არის" - თინა კანდელაკის მეგრულ-ქართული საუბარი რუსულ გადაცემაში
"იბერიას" ჟურნალისტები განცხადებას ავრცელებენ
უჩა მამაცაშვილი "იბერიასა" და "ომეგა ჯგუფის" ირგვლივ მიმდინარე პროცესებზე პროკურატურას მიმართავს
