ქუთაისის ვიცე-მერმა თანამშრომელს სცემა
დაახლოებით ერთი საათის წინ ქუთაისის ვიცე-მერმა ამირან ძოწენიძემ, ქუთაისის საკრებულოს თავმჯდომარის ოთახში, ქუთაისის მერიის ადმინისტრაციული სამსახურის უფროს თენგიზ თოფურიძეს ფიზიკური და სიტყვიერი შეურაცხყოფა მიაყენა.
ამის შესახებ ჟურნალისტებს ქუთაისის საკრებულოს ერთ-ერთმა დეპუტატმა მამუკა მღვდელაძემ განუცხადა.
მღვდელაძის ინფორმაციით, თენგიზ თოფურიძეზე ზეწოლა ხორციელდება, რადგან იგი ბოლო პერიოდში ადგილობრივ თვითმმართველობას დაუპირისპდა. აღნიშნული ფაქტი ჟურნალისტებთან დაადასტურა თავად თენგიზ თოფურიძემ. ხოლო რაც შეეხება ვიცე-მერს, იგი აცხადებს, რომ ფიზიკური შეურაცხყოფა არ მიუყენებია, თუმცა მათ შორის სიტყვიერი შეკამათება ნამდვილად იყო.
მომხდარი ფაქტი საკრებულოს დეპუტატ მამუკა მღვდელაძესთან ერთად არასამთავრობო ორგანიზაციების რამდენიმე წარმომადგენელმაც გააპროტესტა.
გავრცელებული ინფორმაციით, შელაპარაკება საკრებულოს თავმჯდომარის კაბინეტში შტატების გაზრდის გადაწყვეტილებას მოჰყვა, რასაც თენგიზ თოფურიძე ეწინააღმდეგებოდა.
ბამბის რიგში რესტორანი იწვის - ადგილზე 4 სახანძრო მუშაობს
დამწვარია 200-დან 250 კვ.მ ფართობი - რა ვითარებაა ბაზრობა "თერგის" ტერიტორიაზე
