ნავთლუღში ხანძრის დროს რამდენიმე ადამიანი დაშავდა

ნავთლუღის ბაზართან, ნეველის ქუჩაზე ხანძარი ლიკვიდირებულია. ცეცხლი სამკერვალო ფაბრიკას გაუჩნდა და მეოთხე სართული მთლიანად დაიწვა.

როგორც ადგილზე მყოფმა მეხანძრეებმა "ინტერპრესნიუსს" განუცხადეს, სულ დამწვარია 400-500 კვ.მეტრი ფართობი. მსუბუქად დაშავდა რამდენიმე ადამიანი, ხოლო მათგან ერთ-ერთი გადაყვანილია ე.წ. არამიანცის საავადმყოფოში.

ამჟამად ხანძარი ლიკვიდირებულია და ბოლო სამუშაოები მიმდინარეობს. ფაბრიკაში სამხედრო ფორმები იკერებოდა.

"ინტერპრესნიუსი"