ისრაელმა სექსუალურ უმცირესობებზე საბავშვო წიგნი გამოუშვა

საგამომცემლო სახლი Kar-Ben Publishing -ი პირველ ებრაულ საბავშვო წიგნს უშვებს, სადაც არატრადიციული სექსუალური ორიენტაციის ადამიანებზეა მოთხრობილი.

წიგნში - "პურიმის სუპერგმირი" ებრაელი ბიჭუნა ნატის თავგადასავალია მოთხრობილი, რომელიც ორი გეი-მამის დახმარებით პურიმის დღესასწაულისთვის კოსტუმს არჩევს. იგი არჩევანს კოსმოსური უცხოპლანეტელის იმიჯზე აჩერებს - მიუხედავად მეგობრების პროტესტისა, რომლებიც ტრადიციულად სუპერგმირების კოსტუმებს იცვამენ.

ორგანიზაცია კეშეტის ვებ-გვერდზე ნათქვამია, რომ წიგნმა ნაციონალური პრემია უკვე მოიპოვა.

"ვამაყობთ, რომ ინგლისურ ენაზე, ჰომოსექსუალებზე პირველი ებრაული წიგნის პუბლიკაციაში მივიღეთ მონაწილეობა", - აცხადებს საგამომცემლო სახლი Kar-Ben Publishing-ი.

გამომცემლობა დასძენს, რომ ტექსტისა და ილუსტრაციის ავტორი ელიზაბეტ კუშნერი ამჟამად აშშ-შია, სადაც საკუთარ ნაწარმოებს ამერიკულ საზოგადოებას აცნობს.

მომზადებულია focus.ua-ს მიხედვით.