"პალიტრაTV"-მ თბილისში საკაბელო მაუწყებლობა გააფართოვა

"პალიტრაTV"-მ თბილისში საკაბელო მაუწყებლობა გააფართოვა. ტელევიზიის გადაცემების ნახვა დღეიდან საკაბელო ოპერატორების - "სტუდია ტვ"-ს და "დიდგორი -2"-ის აბონენტებსაც შეეძლებათ.

როგორც "ინტერპრესნიუსთან" საუბრისას "პალიტრაTV"-ს დირექტორმა, ზაზა ქანთარიამ აღნიშნა, ტელევიზია უკვე მაუწყებლობს საკაბელო ოპერატორების "გლობალ ტვ"-ს და "ა+ბ"-ს მეშვეობით. ამავდროულად, მიმდინარეობს მოლაპარაკებები რამდენიმე ოპერატორთან, რომლებიც უახლოეს მომავალში "პალიტრაTV"-ს თავის ქსელში ჩართავან.

დღის განმავლობაში "პალიტრაTV" - ს ეთერი მრავალფეროვან გადაცემებს ეთმობა - საინფორმაციო გამოშვებები, საზოგადოებრივ-პოლიტიკური თოქშოუები და შემეცნებით-გასართობი პროექტები.

გაზაფხულისთვის იგეგმება ქართულ ენაზე გახმოვანებული მაღალრეიტინგული თურქული სერიალის "ეზელის" ჩვენება.

"ინტერპრესნიუსი"