ძლიერმა ქარმა გორში საცხოვრებელ სახლებს სახურავები გადახადა

ძლიერმა ქარმა გორში რამდენიმე საცხოვრებელ სახლს სახურავები გადახადა. როგორც "ინტერპრესნიუსის" რეგიონული კორესპონდენტი იუწყება, ძირითადად, დაზიანებულია სტალინის ქუჩაზე მდებარე საცხოვრებელი კორპუსების თუნუქის სახურავები.

ამ წუთებში ადგილობრივი ხელისუფლების წარმომადგენლები და მაშველები შემთხვევის ადგილზე იმყოფებიან, თუმცა, გორის მუნიციპალიტეტის გამგებელი პაპუნა კობერიძე აცხადებს, რომ ძლიერი ქარი და უამინდობა მუშაობას ართულებს. აქედან გამომდინარე, დღეს გადახურვის სამუშაოების დაწყება ფაქტობრივად შეუძლებელი იქნება. კობერიძის თქმით, გამოდარების შემთხვევაში შესაბამისი სამუშაოები დილიდან დაიწყება.

"ინტერპრესნიუსი"