მარნეულის სასურსათო ქარხანა პროდუქციის ასორტიმენტს და წარმოებას ზრდის
მარნეულის სასურსათო ქარხანა პროდუქციის ასორტიმენტს და წარმოებას ზრდის. კომპანიის ინფორმაციით, დაიწყო სალათების გამოშვება, პარალელურად კიტრის მწნილებისა და ტომატ-პასტების ასორტიმენტის ზრდა გრძელდება.
"2013 წლის მარტიდან "მარნეულის სასურსათო ქარხანა" სარეალიზაციო ქსელში პროდუქციის მოცულობას ზრდის. კომპანიაში ამ გადაწყვეტილებას პროდუქტებზე მოთხოვნის გაზრდას უკავშირებენ. კომპანიამ კიტრის მწნილებისა და ტომატ-პასტების ასორტიმენტის ზრდასთან ერთად სალათების გამოშვებაც დაიწყო. მომხმარებლები ახალი პროდუქციის შეძენას საქართველოში წარმოდგენილ ყველა მსხვილ სავაჭრო ობიეტებში შეძლებენ.
ამ დროისთვის მარნეულის სასურსათო ქარხანა 50-ზე მეტი დასახელების პროდუქციას უშვებს. როგორც ქარხნის დირექტორი განმარტავს, ბოლო პერიოდში გაყიდვების მაჩვენებელი 20%-ით გაიზარდა, შესაბამისად, იზრდება წარმოებაც. "შარშანდელთან შედარებით, "მარნეულის სასურსათო ქარხანამ" ასევე მნიშვნელოვნად გაზარდა კიტრის მწნილების და ტომატ-პასტას სარეალიზაციო ქსელში შეტანა. მნიშვნელოვანია, რომ ქარხნის ტომატ-პასტას ქართული ბაზრის 30% უკავია. ჩვენი მიზანია, იმპორტირებული პროდუქცია ქართული ნაწარმით ჩავანცვლოთ", - აცხადებენ კომპანიის მენეჯმენტში.
"მარნეულის სასურსათო ქარხანა" "მარგებელი ჰოლდინგის" ნაწილია, რომელიც 2007 წელს დაარსდა და საქართველოში ერთ-ერთი უმსხვილესი საწარმოა. ქარხანა, რომელიც ევროპული სტანდარტების მქონე დანადგარებითაა აღჭურვილი, 50-მდე დასახელების ქართული ნედლეულისგან დამზადებულ, ნატურალურ და გემრიელ საკონსერვო პროდუქტს უშვებს.
რა? სად? რა ფასად?
გაიგეთ ”რადიო მარკეტში”
ყოველ სამუშაო დღეს 10:50 და 11:50 საათზე
რადიო ”პალიტრის” ეთერში - FM 103.9
საკონდიტრო კომპანია "აზატოს" ქსელი გაფართოვდა
სვანეთში ახალი პრემიუმ კლასის სასტუმრო გაიხსნება